Hannes Flesner

Hans „Hannes“ Flesner (* 8. Dezember 1928 in’t Rahester Moor bi Auerk; † 12. Juli 1984 in Leezdörp) weer en bekannt oostfreesch, plattdüütsch Ledermaker un Singer.

Flesner is upwussen in Bremen, Karlsbad un Lodz. Sien Abitur hett he an dat Ulrichsgymnasium in Nörden maakt. 1949 kreeg he Arbeit bi den Ostfriesischen Kurier un 1955 güng he na Ollnborg na de Oldenburger Nordwest-Zeitung. En Johr later füng he bi de Bild an. Dor hett he de Kolumnen över Jazz un Schlager för schreven. 1964 füng he as PR-Manager bi den Plattenproduzenten Philips-Phonogramm an. Achterna weer he togange as sülvstännigen Produzenten an un möök Platten mit Conny Plank, James Last un Lisa Fitz. Al to'n Anfang vun de 1960er Johren is Flesner bigahn un hett sülms Leeder schreven. Een vun siene bekannsten Hits weer de „Bottermelk-Tango“ up Oostfreesk Platt.