David Jay Julius

Julius is as Enkel vun jöödsch Inwannerer ut Russland in Brighton Beach upwussen, wo völ russischspraakig jöödsch Inwannerer leven. Sien Grootöllern weern wegen Antisemitismus ut dat russisch Zarenriek flücht. Sien Vader weer Elektroingenieur, sien Moder Mester an en Grundschool.^[2] He kreeg 1977 en Bachelor in Life Sciences (Biowetenschapen) an dat Massachusetts Institute of Technology (MIT) in Cambridge, Massachusetts, wo he eerste Forschungserfohrungen in dat Labor vun Alexander Rich sammeln kunn. Sien Doktertitel (Ph.D.) in Biochemie kreeg he 1984 Jeremy Thorner un den lateren Nobelpriesdräger Randy Wayne Schekman an de University of California, Berkeley in Berkeley, Kalifornien. As Postdoktorand hett Julius bi den lateren Nobelpriesdräger Richard Axel an de Columbia University in New York City arbeit. 1990 wurr Julius Liddmaat vun den Lehrkörper vun de University of California, San Francisco (UCSF) in San Francisco, Kalifornien, wo he hüüd (Stand 2020) de Afdeelen för Physiologie leiten deiht.

Julius sien Fru, Holly Ingraham, is ebenfalls Perfessersche för Physiologie an de UCSF. Dat Paar hett een Söhn.

 

Julius kunn grundleggend Erkenntnisse över de molekularen un funktschonellen Eegenschapen ionotroper Rezeptoren winnen, de up Serotonin un ATP reageeren, bzw. de för de Modalitäten vun de Pien-, Warmt- un Kolt-Rezeptoren verantwortlich sünd. Julius sien Opdecken sünd zentraal för dat Verständnis vun de molekularen Grundlagen vun dat Temperaturempfinnen, för dat Kolt- und Warmtempfinnen integreert wurrn.

Julius hett opdeckt, dat de TRPV1-Kanal en Capsaicin-Rezeptor is, de de Antwoort vun den Körper up ünnerscheedlich Reize as Temperatur, Sweer un anner Formen vun de Schädigung vun Geweef vermiddelt. Dat weer en wichtige Erkenntnis för de Behandlung vun dat chronisch Piensyndrom un anner Syndrome, de mit neurogen Sweer, Arthrose, Krebs oder Asthma tosommenhangen. Ebenso wur dat Verständnis vun de Allodynie un de Hyperalgesie fördert, en Pienempfinnen bi normalerwies nich-pienutlösen Reizen bzw. en överscheeten Pienempfinnen bi blots minn Pienreizen.

Julius is ünner annern Herutgever vun de anseggt Tietschrift Annual Review of Physiology.

Siet 2014 tell hüm Thomson Reuters wegen de Tall vun sien Zitatschonen to de Favoriten up en Nobelpries (Thomson Reuters Citation Laureates).^[3]

In‘n Oktober 2021 geev dat Nobelkomitee bekannt, dat Julius un Ardem Patapoutian gemeensam mit den Nobelpries för Physiologie oder Medizin uttekent wurrn.^[4]

• 2000 Perl-UNC Neuroscience Prize
• 2004 Liddmaat vun de National Academy of Sciences
• 2005 Liddmaat vun de American Academy of Arts and Sciences^[5]
• 2006 Zülch-Pries^[6]
• 2007 W. Alden Spencer Award
• 2010 Passano Award^[7]
• 2010 Shaw Prize^[8]
• 2010 Prinz-von-Asturien-Pries för weetenschapliche un technische Forschung^[9]
• 2010 Liddmaat in de Ungarsch Akademie vun de Weetenschapen^[10]
• 2013 Dr. Paul Janssen Award for Biomedical Research
• 2017 HFSP Nakasone Award
• 2017 Canada Gairdner International Award
• 2019 Rosenstiel Award
• 2020 Kavli-Pries för Neurowetenschapen
• 2020 Breakthrough Prize in Life Sciences
• 2020 BBVA Foundation Frontiers of Knowledge Award in Biologie/Biomedizin
• 2021 Nobelpries för Physiologie oder Medizin

• Julius Lab und Profil bi de University of California, San Francisco (ucsf.edu)

1. ↑ 49th Annual Faculty Research Lecture bi ucsf.edu; afropen an’n 27. Mai 2020.
2. ↑ Is David Julius Jewish? Nobel winner's family history is fascinating, Opera News, 4. Oktober 2021. Afropen an’n 5. Oktober 2021.
3. ↑ 2014 Predictions bi Thomson Reuters (sciencewatch.com); afropen an’n 25. September 2014
4. ↑ Nobelpreis Medizin Physiologie Stockholm In: sueddeutsche.de
5. ↑ Vörlaag:Amacad
6. ↑ Zülch-Preis bi mpg.de; afropen an’n 27. Mai 2020.
7. ↑ recipients of the passano laureate and physician scientist awards. In: passanofoundation.org. Passano Foundation, afropen an’n 27. Mai 2020 (engelsch). 
8. ↑ The Shaw Prize in Life Science and Medicine 2010 bi shawprize.org; afropen an’n 27. Mai 2020.
9. ↑ Prince of Asturias Awards. Technical & Scientific Research 2010 bei fpa.es; afropen an’n 27. Mai 2020.
10. ↑ Julius, David. In: mta.hu. Afropen an’n 5. April 2018 (ungaarsch).