Gemeen Swarm

Wapen/Flagg

Koort

Basisdaten

Bundsland: Neddersassen

Flach:

24,29 km²

Inwahners:

2.491 (2006-12-3131. Dezember 2006)

Inwahnerdicht:

102,6 Inwahners pro km²

11 m över de See

27327

04258

Koordinaten:52° 54′ N, 9° 1′ O52° 54′ N, 9° 1′ O

Grenzen bi OSM:

2013996

Börgermeester:

Hermann Schröder

Websteed:

www.schwarme.de

Swarm is en Gemeende in de Samtgemeende Brooksen Vilsen in den Landkreis Deefholt in Neddersassen.

Laag

Swarm liggt an de Middelwerser bi 30 km in'n Süden vun Bremen. Vun de lüttjen Städer Achem, Hoya, Syke un Veern is se jummers bi 16 km wiet weg.

Politik

Gemeenderaat

UWS: 5 Sitten
CDU: 4 Sitten
SPD: 3 Sitten
FDP: 1 Sitt
Ohn Partei: 1 Sitt

Fründschop mit Gemeenden ut'n Utland

Siet lange Johren pleggt Swarm de Fründschop mit de Gemeende Ancinnes ut Frankriek.

Wat in Swarm los is un wat een sik ankieken kann

Bowarken

Kark

1661 hett de Paster Johann Wolfgang Otto dorvör sorgt, dat de Karkengemeende in Swarm na langen Striet loskamen is vun ehre Mudderkark in Lunsen in'n hüdigen Karkenkreis Veern. Toeerst geev dat in Swarm bloß en Kapell. 1784 is denn de hüdige Kark boot wurrn, bloß de eerste Stock un de Spitz vun'n Toorn fehlen noch. Meist 100 Johr hett dat duert, dat nödige Geld tohopen to kleien. 1879 is de Kark fardigmaakt wurrn, just so, as se hüdigendags dorstahn deit. Ehren Naam „To'n goden Harder“ hett se eerst 1986 kregen.

Windmöhl

De Sprakener Windmöhl in den Oortsdeel Spraken is 1856 boot wurrn. Dor hannelt sik dat üm en Galerie-Hollänner mit dree Stockwarken bi. Bit 1948 is dor mit Windkraft mahlt wurrn, denn sünd de Möllers up Motorkraft ümstegen. So güng dat denn noch bit 1960 wieter. Buten rüm is de Möhl vun 1991 bit 1994 wedder up Schick bröcht wurrn. Nu schall dat ok binnen passeern.

Theater

Swarm hett dat Kulturzentrum Robberts Huus. Dor gifft dat eenmol in't Johr en plattdüütsch Theaterstück to sehn. Upföhren deit dat de Theatergrupp De Uhlenspeelers.

Dörpsleven

Up den Festplatz „De Kreihenkamp“ midden in't Holt gifft dat jedet Johr to Pingsten en Schüttenfest. An't tweete Wekenenn in'n September warrt Oorntfest fiert. De Krieger- un Suldatenkamradschup stellt dat up de Been. An'n Sönndag gifft dat denn den groten Umtog mit allerhand Festwagens dör dat ganze Dörp. Achterna warrt denn up'n Kreihenkamp fiert.

Sport

Vun 1950 af an gifft dat in den Swarmer Brook jedet Johr en internatschonal Grasbahnrennen. In Swarm is ok en Freebad to finnen, wo ok de Lüde ut de Nabergemeenden geern henkaamt.

Bildung

Swarm hett en Kinnergaarn, wo nu ok en Wooldgrupp tohören deit un en Grundschool mit Ünnerricht vun de 1. bit na de 4. Klass.

Kiek ok bi

Projekt to'n Sammeln vun plattdüütsche Oortsnaams in de Landkreise Deefholt, Nienborg/Werser un Veern

Literatur

Erich Hillmann-Apmann: Schwarme. Ein Dorf im Nationalsozialismus. (Rutg.: Heimat-, Umwelt- un Kulturvereen „Eule“ e. V., Swarm), o.O. o.J. [2002], 192 S. m. Biller

Weblenks

Städer un Gemenen in den Landkreis Deefholt