Sproetel

Een sproetel of sproet (Ephelide) is een opeenhoping van melanine in de oenderste lagen van de opperhuud. Je kriegen de brune kleur op dezelfde menier as bie 't brunen in de zon, alleen is de verdeiling van melanine bie sproetels niet egaol. Hoewel sproetels zelf gien ofwieking bin, hen minsen mit veul sproetels wel een grotere kans um huudofwiekingen as een melanoom te kriegen.

Veural roodhaorige minsen hen veul sproetels.

• Veluws:
  • sproeten
  • sproetels (Niekark)
  • spruten (Oldebroek, Hattem, Garder)
  • spreuten (Apeldoorne)
  • spikkels (Une, Lieren)

Disse pagina is eschreven in 't Niekarks