Edda Schnittgard

Edda Schnittgard
Edda Schnittgard (int midden) in 2006
Algemene informasie
Geboren	Heide, 3 november 1971
Laand	Sleeswiek-Holstain, Duutsland
Spraoke	Platduuts Duuts
Genre	Kleinkunst
Offisiële webstee
http://www.schniddie.de

Edda Schnittgard (Heide (Sleeswiek-Holstain), 3 november 1971) is een Duutse zangeres, grappenmaakster en schriefster. Ze wuur bekend deur heur optredens in het grappenduo Queen Bee. Met zien beiden hadden ze in 2004 een rolle in de film Schöne Frauen, waorvan Schnittgard het draaiboek schreef.

Ze gruide op op het Waddeneiland Sylt. In de summer van 1994 richtte ze samen met Ina Müller het grappenduo Queen Bee op. Schnittgard deu de begeleiding op de tengeltangel. Ze zung ok weh met in hun Platduutse en Duutse liedties, maar de spraakgrage Müller nam de mieste keren het veurtouw.

Deurdat ze wat aan de dikke kante is wuur ze in hunnie optredens vaak op de hakke nomen deur Müller, zoas in de uutspraak Ich habe Beine, du hast Stampfer; ich bin die Yacht und du der Dampfer! Ok kwam ze zellef weh met grappen over heurzelf, maar ze stun altieden toch veural zelfverzekerd op de bühne.

Op 12 december 2005 deu ze heur afschiedsveurstelling in dit duo. Daorna gung ze allennig verder en soms ok nog weh met andern. Ok warkte ze als tekstschriever en tonielregisseur. In 2008 stopte ze met optredens en in oktober 2010 wuur bekend dat ze toen al meer dan een jaor hinder hat haar van een zwaore vorm van multiple sclerose.

• Queen Bee, Zitronenboom (video)

Commons: Edda Schnittgard - plaatjes, filmkes en/of gelüüdsbestanden.

Dit artikel is skreaven in et drentsk.