Ask en Embla

In de noordske mytology waren Ask en Embla de eyrste mensken, döär Odin, Vili en Vé üüt een stük holt esköäpen dat sy up et wearldstrand vünden, nådat de skepping begünnen was. Ask en Embla wördden enömed in de Völuspá.

Et bint eigenlik twey symboliske namen vöär boumen of gröiwysen (Ask beteakent Es en Embla beteakent Iep of Slingerplant). In de oldnoordske skryverye is et wal vake de gewöänte ümme mensken med boumen te vergelyken, vöäral in de Edda.

Et wöärdtyn boum bedüüdt tegelyke steyvigheid (vgl. " nen boum van nen kearl"), leavenskracht (vgl. "stark as nen boum") en vrüchtbaarheid ("med nen stamboum"). Ask en Embla bint düs twey belangryke leavensbegünnen.

Odin gaven ear leaven, ådem en språke. Vili gaven ear benül en beweagelikheid. Vé, as lätstens, gaven ear üüterlik en gehöyr. Disse tweye bouweden de godenbürcht in Asgard.

Üüt dit lätste kün y ofleasen dat et noch neet direkts ümme 'gewoane' menskrlike weasens geyt, mar ümme een soort leavensbasis of blauwdrük vöär verder leaven (nen vergangboum).

Dit artikel is eskreaven in et sallandsk.