Melodieuze deathmetal

Melodieuze deathmetal is een onderstiel van deathmetal, ekenmarkt deur slim melodische gitaarriffs, waorbij ze vake lient van de treditionele heavy metal (waoronder de New Wave of British Heavy Metal). Bij melodieuze deathmetal kriej 't lieke zwaor as bij aandere death metal, mar mit melodische of eharmoniseerde gitaarriffs en -solo's; ok bestiet de zang vake uut schrouwerije op hoge toon (shrieking), of aans - zoas bij de meer treditionele deathmetal - uut schrouwerije op lege toon (growling).

Veur 't ontstaon van 't genre wördt vake 't album Heartwork uut 1993 van de Engelse band Carcass anewezen. De stiel wördden midden jaoren negentig wieder ontwikkeld in Zweden deur bands as At the Gates, Dark Tranquillity en In Flames. 't Middelpunt van de melodieuze deathscene wördden de stad Göteborg; daorumme nuumt ze 't genre ok wal Göteborgmetal.

't Zweedse melodieuze deathspöl namen Amerikaanse bands weer een veurbield an. In de late jaoren negentig en vrogge jaoren nul kreej een hiele bulte melodieuze deathbands, waoronder Children of Bodom, Arch Enemy, Amon Amarth, The Black Dahlia Murder, Insomnium en Soilwork. Midden jaoren nul ontstund uut vermenging van melodieuze death mit metalcore 't genre melodic metalcore.

Dit stok is eschreven in 't Zuudwest-Drèents.