Loon (Assen)

Loon is een dörpien in de gemiente Assen in de Nederlaandse pervincie Drenthe. 't Dörpien lig in 't noordoosten van de stad Assen. Op 1 jannewaori 2004 had 't umdebij 280 inwoners.

Loon is een typisch Drèents esdörp. 't Lig an de raand van 't Nationaol beek- en esdörpenlaandschap Drentsche Aa. De Drentsche Aa, hier Looner Diep hieten, stroomt langs 't dörp. De marke van Loon bestiet naost essen dan ok veurnaomelijk uut gruunlaanden langes de beek. Ok is der een hunebed te vinnen. De marke wördt deurkruust deur de spoorliende Assen-Grunnen.

Loon hef behalven een restaurant gien eigen veurzienings en is volledig anwezen op de stad Assen.