مه ۲۰۲۳
دچی‌ین ۳
- روسیه مدعی بیّه که اکراینی‌ها خاستنه کرملین کاخ ره پهپاد برسنن و ولادیمیر پوتین ره ترور هاکنن که نیّه.
دچی‌ین ۵
- جهونی بهداشت سازمان باته که دیگه کورونا ویروس اتا اضطراری خطر نی‌یه. (ای‌بی‌سی نیوز)
دچی‌ین ۶
- ابراهیم فاضل، محمد فاضل استرآبادی ریکا، که ملّا بی‌یه، سه روز پیش گوم بیه و اسا ونه نعش ره بهنمیر، کرفون دریاکنار پیدا هکردنه. جوبار پلیس گنه مسئله امنیتی نی‌یه و شیخی لباس ونه تن دنی بی‌یه.
- چارلز سوم شه تاجگذاری مراسم ره بجا بیارده
- ایران ات نفر که ایرانی-سوئدی تابعیت داشته ره تروریسم اتهام جه بکوشته
دچی‌ین ۷
- سوریه دولت، دوازده سال په، عرب کشورون اتحادیه دله وَردگرسته. (العربیه)
دچی‌ین ۹
- ایتالیا و فرانسه، مهاجرتِ قضیه وسّه اَی اختلاف دکتنه. فرانسه‌یِ کشورِ وزیر اتا برنامه دله باته که جورجا ملونی دس بر ننه که مهاجرون مشکلات ره حل هاکنه و ایتالیایی‌ها شاکی بَینه که وه چه اینتی گپ بزو؟ ایتالیایِ خارجه وزیر، خاسته بوره فرانسه که شه برنامه ره لغو هاکرده و بائوته فرانسوی‌شون ونه عذرخاهی هاکنن.
- روسیه، کی‌یف ره بمبارون هکرده. زلنسکی گته که روس‌ها ره پاتک شوننه.
دچی‌ین ۱۰
- صربستان دله چن روز پیش‌تر دِ نفر تفنگ بیتنه و مردم ره رگبار دَوِستنه. اسا مردم اعتراض راه دمبدانه که این چه وضعشه که همه دست تفنگ دره. دولت هم مردم جه بخاسته شه تفنگ ره تحویل هادن. اولین روز 1500 تا تفنگ ره تحویل بیته.
- پاکستان دله، قبلی نخست‌وزیر، عمران خان، ره پلیس بیته و ونه طرفدارون میدون دکتنه و اعتراضات راه دمبدانه. پنجاب دله پلیس ونه طرفدارها ره هم جمع هکرده و بورده بازداشتگاه.
- اتا دادگاه دونالد ترامپ ره محکوم هکرده که پنج میلیون دلار ونه اتا زنا ره آزار جنسی وسّه، جریمه هاده.
- نتانیاهو باته اسراییل آمادوئه چن وَر جه ایران ره نهب بئه.
دچی‌ین ۱۴
- اتا کنیایی کشیش، شه په‌روون ره باته اگه خانه مسیح ره بوینن، ونه روزه بیرن و وشنایی بکشن. مک‌کنزی فرقه جنگل دله وشنا گردستنه تا بمیرن. اسا چنتا دسته‌جمعی قور درهکته که بیش از ٢٠٠ تا لاش وشون دله کته. این ماجرا اسم ره «شاکاهولا» کشتار بی‌یشتنه.
- لورین، سوئدی-مراکشی خونش‌کر، یوروویژن جایزه ره بیته. وه دومین کش هسته که برنده وونه.
دچی‌ین ۱۵
- ترکیه‌ی ریاست جمهوری انتخابات ونه دومین کش برگزار بوو چون نا اردوغان ، نا قلیچدار اوغلو نتونسته نصف رأی ره بیارن. آک پارتی ولی پارلمان دله خار خار رأی بیارده.
دچی‌ین ۱۷
- نیکلا سارکوزی، فرانسه سابق رئیس جمهور، دادگاه دله محکوم بیه و ونه زندون دکفه.
دچی‌ین ۱۸
دچی‌ین ۱۹
- ایرانِ حکومت سه‌تا جوون دیگه ره اصفهان دله بکوشته؛ صالح میرهاشمی، مجید کاظمی و سعید یعقوبی که «اصفهانِ خنه» پرونده دله متهم بینه، قوه قضایی دستور په اعدام بینه.
- ایرانِ دولت فرانسه‌یِ گروگان‌ها ره رها هکرده و امیر عبداللهیان باته که فرانسه‌یِ چن شاپ پیشی بموئن جه استقبال کمبی.
- بشار اسد دوازده سال په، عرب اتحادیه‌یِ سرانِ اجلاس دله شرکت هکرده. این نشست که سعودی عربستون دله برگزار وونه دله، زلنسکی هم دکّل خانه شرکت هکنه.
- گروه هفت که جاپون دله نشست داشتنه، تصمیم بیتنه که روسیه و چین جلو چتی در بئن.
دچی‌ین ۲۰
- اکوادر ِرییس‌جمهور، گرمیو لاسو، بمو باته که مِیلس ونه منحل بوو تا از سر انتخابات بی‌یلن.
دچی‌ین ۲۲
- اروپای فوتوال لیگون آخرین هفته جه برسینه. ایتالیای سری آ دله که ناپولی خله اختلاف جه پیش هکته و شه خیال ره جمع دارنه. انگلیس دله هم منچستر سیتی وقتی آرسنال ره بورده و ونجه پیش دکته، دیگه نباخته و اول بمونسته. آلمان بوندسلیگا دله هم ١٠ سال پشت-به-پشت بایرن مونیخ اول بی‌یه ولی اسا تا آخرین بازی مین نی‌یه که امسال دورتمند تونده وشون جه پیش بمونده یا نا؟
دچی‌ین ۲۵
- ایران جمهوری اسلامی و افغانستان طالبان هیرمند ئو وسه اختلاف دکتنه. ایران خارجه وزیر امروز باته که اما وشون ره برسمیت نشناسمبی.
- دکتر فیروز نادری نخشی بیته و ونه گردن به‌جیر فلج بیه.
دچی‌ین ۲۸
- ایران جمهوری اسلامی و افغانستان طالبان، سامون‌سر تیراندازی هاکردنه و چن نفر کشته هدانه. ایران نظامی مقوم بوردنه مرز لو هارشن چه خوره.
- ترکیه رئیس‌جمهوری دومین کش رأی‌گیری بیه.
- مهدی طارمی پرتغال لیگ دله آقای گل بیه.
اسایی دکته‌ئون تلمبار