سنگاپور

Republic of Singapore
سنگاپورِ جمهوری
سنگاپور
Republic of Singapore; سنگاپورِ جمهوری; سنگاپور
	ملی شعار: پیشی بور؛ سنگاپور
	ملی سرود: Majulah Singapura;
	سنگاپور ِموقعیت
نیشتنگا	سنگاپور (شهر)
گت‌ترین شهر	سنگاپور
رسمی زوون	انگلیسی، ماندارین، تامیل، مالایی
حکومت ِنوع	جمهوری
حاکمون نوع ; رئیس جمهور; نخست وزیر	; تونی تن; لی هسین لونگ
موارد منجر به تشکیل; مالزی جه	۹ اوت ۱۹۶۵
گتی
جمعیت
پول یکا	دلار (SGD)
زمونی منطقه	SST (جهونی ساعت+۸)
اینترنتی دامنه	.sg
تلفن پیش‌شماره	+۶۵

مختصات: شرقی′۴۸°۱۰۳ شمالی′۲۲°۱ / ۱۰۳٫۸غرب ۱٫۳۶۷جنوب / −۱۰۳٫۸;−۱٫۳۶۷

سَنگاپور اتا پچوک ِکشور هسته که آسیایِ جنوب‌شرقی وَر دَره و ونه نیشتنگا نوم هم سنگاپور هسته. سنگاپور مالایایِ جزیره مونایِ جنوب دره و آسئان ِپچوکترین کشور هسته. تنها همسایه‌ئون سنگاپور مالزی و اندونزی هستنه.

سنگاپور شمال خط استوا قرار دانه و خله پولدار و مدرن هسته. سنگاپور اتا از ۳تا کشور-شهرون مستقلی هسته که دنیا دله رسمیت دارنه. دنیایِ چارومین اقتصادی مرکز، قُمار و کازینوی ِدومین گتِ بازار و پالایش نفت سومین مرکز این شهر دله دَرنه و همینسه سنگاپور پیشرفته‌ترین و پولدارترین کشورون جه هسته.

تاریخ

این منطقه قدیم مالزی ِماهیگیری وسّه استفاده بی‌یه. سنگاپور سال ۱۸۲۴ جه تا ۱۹۶۳ میلادی، بریتانیا مستعمرات جه بی‌یه. سال ۱۹۴۲ سنگاپور، که هنتا بریتانیا مستعمره بی‌یه، ره جاپون بییته و بریتانیایی نیروئون فِرار هاکردنه که وینستون چرچیل وه ره شه کشور ِگتترین ننگ نومِسته. سال ۱۹۴۵ میلادی سنگاپور ره دِباره بریتانیا بَییته. هیژده سال بعد، سال ۱۹۶۳، سنگاپور بعنوان اتا منطقه که مالزی فدراسیون دله دَوو، شه استقلال ره بریتانیا جه بَییته. این کشور نهایتاً دِ سال بعد، سال ۱۹۶۵ میلادی یا ۱۴۷۷ مازرونی سال، مالزی جه سِوا بیه و اتا جدیدِ کشور بگردسته.

مردمون

قدیم‌تاسا چین، اندونزی، مالزی و هند جه مردم کوچ هاکردنه سنگاپور و وشون فرهنگ اینجه باقی هسته. قرون معاصر چینی مردمون ویشترین جمعیت ره این منطقه پیدا هاکردنه و اسا ۷۵% مردمون ماندارین زوون جه گپ زنّه. چینی هِمرِکِت؛ انگلیسی، تامیلی و مالایی هم این شهر دریم رسمی زوون هستنه. ولی مدارس دله و ادارات زوون فقط انگلیسی هسته.^[۱]

بوداییون این کشور دله ۳۳% جه ویشترین جمیعت ره دارنه و مسیحیون ۱۸% جه، بی‌دینون ۱۷٫۸% جه، مسلمون‌ها ۱۴٫۶% جه و تائوئیسم ۸٫۵% و هندوئیسم ۴% جه باقی ادیانی هستنه که سنگاپور دله وجود دارنه.^[۲] ^[۳]

بن بنویشت

ویکی تلمبار دله بتونّی پرونده‌ئونی که سنگاپور خَوری دَره ره پیدا هاکنین.

[1] عربی ویکی‌پدیا

[2] State, society, and religious engineering: towards a reformist Buddhism in... By Kuah-Pearce Khun Eng, Khun Eng Kuah

[3] Dept. of Statistics, Ministry of Trade and Industry, Singapore (2001). Census of Population 2000: Statistical Release 2: Education, Language and Religion (PDF). Singapore: The Dept. Table 39 ("Resident Population Aged 15 Years and Over by Religion, Ethnic Group and Sex").

[۱]

[۲]

[۳]