Marco Streller

Marco Streller

Informazzjoni personali
Twelid	18 ta' Ġunju 1981 (1981-06-18) (43 sena) Bażel, Żvizzera
Tul	1.95 m
Rwol	Attakkant
Mixtliet
1988–1997	FC Aesch
1997–2000	FC Arlesheim
Karriera professjonali
Snin	Klabb
2000–2004	Basel
2001–2002	→ Concordia Basel (self
2002–2003	→ Thun (self)
2004–2007	Stuttgart
2006	→ Köln (self)
2007–2015	Basel
Tim nazzjonali
2003–2011	Żvizzera

Marco Streller (twieled fit-18 ta' Ġunju 1981) huwa eks-plejer tal-futbol Żvizzeru li jilgħab bħala attakkant ma' Basel u mat-tim nazzjonali.

Streller beda l-karriera tiegħu ma' Basel. Iddebutta mat-tim fis-sena 2000, qabel ma fl-istaġun segwenti ġie misluf lil FC Concordia Basel fejn ħalla l-marka tiegħu b'16-il gowl minn 30 logħba. F'Jannar tal-istaġun ta' wara, għadda għal ma' FC Thun, dejjem fuq bażi ta' self. Wara prestazzjonijiet sodisfaċenti li ħalla, irritorna lura lejn Basel bil-wegħda ta' aktar spazju fit-tim.

Matul l-istaġun 2003–04, ir-ritorn tiegħu ta' 13-il gowl minn 16-il partita attira interess minn numru ta' klabbs fil-Bundesliga Ġermaniża, fosthom VfB Stuttgart, liema klabb kiseb il-firma tiegħu għall-istaġun 2004–05. Madanakollu, ftit li xejn ħalla xi forma ta' marka mat-tim u ġie msellef lit-tim ta' Köln għall-aħħar nofs tal-istaġun 2005–06. Lura ma' Stuttgart, ftit li xejn impona ruħu fis-sistema tat-tim u reġa' rritorna lura ma' Basel f'Ġunju tal-2007. Lura pajjiżu, Streller reġa' sab il-forma hekk kif kien l-aqwa skorer matul l-2007–08 bi 12-il gowl.

Plejer internazzjonali mill-2003, hu kien jifforma parti mit-tim parteċipi fil-Kampjonati Ewropej 2004, it-Tazza tad-Dinja 2006 u l-Kampjonati Ewropej 2008. Madanakollu kellu jirtira mill-manifestazzjoni tal-Euro 2004 minħabba uġigħ. Wara partita kontra l-Liechtenstein, ħabbar li kien se jirtira b'mod definittiv mit-tim nazzjonali minħabba nuqqas ta' sosten tal-partitarji. Imma, il-kowċ Ottmar Hitzfeld ikkonviċieh jerġa' pass lura mid-deċiżjoni li kien ħa.

Basel

• Super League Żvizzera: 2003–04, 2007–08, 2009–10, 2010–11, 2011–12, 2012–13, 2013–14, 2014–15
• Tazza Żvizzera: 2007–08, 2009–10, 2011–12

Stuttgart

• Bundesliga: 2006–07

• (DE) Sit personali