Eu-LISA
eu-LISA (European Agency for the operational management of large-scale IT systems in the area of freedom, security and justice) tipprovdi appoġġ teknoloġiku għall-isforzi tal-pajjiżi tal-UE biex l-Ewropa ssir aktar sigura.[1]
- Rwol: Tappoġġja l-implimentazzjoni tal-politiki tal-Ġustizzja u l-Affarijiet Interni tal-UE billi timmaniġġja sistemi tal-IT fuq skala wiesgħa
- Direttur: Krum GARKOV
- Stabbilita: fl-2011, operazzjonali mill-1 ta’ Diċembru 2012
- Numru ta’ persunal: 137
- Lokalità: Sede: Tallinn (l-Estonja), sit operazzjonali: Strasburgu (Franza), sit ta’ appoġġ: Sankt Johann im Pangau (l-Awstrija)
Hi timmaniġġja sistemi tal-IT integrati fuq skala wiesgħa li[1]
- jieħdu ħsieb is-sigurtà interna fil-pajjiżi ta' Schengen
- tippermetti lill-pajjiżi ta' Schengen jiskambjaw dejta dwar il-viżi
- tiddetermina liema pajjiż tal-UE hu responsabbli biex jeżamina applikazzjoni ta' asil partikulari.
- Tgħin tiżgura li l-Ewropej jistgħu jivvjaġġaw b'mod ħieles fl-UE, mingħajr ma tikkomprometti s-sigurtà tal-UE.
L-aġenzija tittestja wkoll teknoloġiji ġodda biex tgħin tidħol fis-seħħ sistema ta' mmaniġġjar tal-fruntieri fl-UE aktar moderna, effiċjenti u sigura. Hi tikkoordina l-ittestjar u s-segwitu tal-proġett pilota Fruntieri Intelliġenti, l-analiżi tar-riżultati u r-rapportar dwar il-proġett pilota, b'kooperazzjoni mill-qrib mal-pajjiżi tal-UE u mal-istituzzjonijiet Ewropej parteċipanti.[1]
L-aġenzija għandha bord maniġerjali, direttur eżekuttiv u gruppi ta' konsulenza għal kull sistema li taqa' taħt l-immaniġġjar tagħha.[1]
Hi tipprovdi l-qafas tekniku u operazzjonali biex tiżgura li n-nies li jgħixu fl-UE jkunu jistgħu jgħixu, jaħdmu u jivvjaġġaw bil-mod li draw bih u li jistennew. L-aġenzija timmaniġġja t-3 sistemi ta' IT ewlenin li għandhom x'jaqsmu mal-viżi, it-talba ta' asil u l-qsim ta' informazzjoni biex tiggarantixxi s-sigurtà taż-Żona Schengen:[1]
- is-Sistema ta' Informazzjoni tal-Viża (VIS)
- is-Sistema ta' Informazzjoni ta' Schengen (SIS II)
- Eurodac
L-aġenzija taħdem flimkien mill-qrib mal-pajjiżi tal-UE, mal-istituzzjonijiet tal-UE u mal-aġenziji fil-qasam tal-ġustizzja u l-affarijiet interni.[1]