Antruido

L Antruido son las fiestas de maçcaras. La sue data ye cunsante l anho lunar ne l Crestianismo de la Eidade Média. L período de l Antruido era marcado pul "adius a la chicha" ó "chicha bal" dando ourige a la palabra pertuesa "Carnaval". Durante l período de l Antruido habie ua grande cuncentraçon de fiestas populares. Cada cidade brincaba de l sou modo, cunsante ls sous questumes. L Antruido moderno, feito de çfiles i fantasies, ye perduto de la sociadade bitoriana de l seclo XIX. La cidade de Paris fui l percipal modelo sportador de la fiesta carnabalesca para l mundo. Cidades cumo Nice, Nuoba Orleanes, Toronto i Riu de Janeiro se anspirarian ne l Antruido francés para amplantar sues nuobas fiestas carnabalescas.

An 2005 l Antruido de Salbador, Bahia, Brasil stá ne l Guinness Book cumo a maior fiesta de rue de l mundo.^[1] An Pertual, eisiste ua grande tradiçon carnabalesca, percipalmiente ls Antruidos de la Ilha de la Madeira (donde salírun ls eimigrantes que haberien de lebar la tradiçon de l Antruido pa l Brasil), Obar, Podence, Loulé, Sesimbra, Riu Maior, Torres Bedras i Sines, çtacando-se l de Torres Bedras, Antruido de Torres, por tener l Antruido más antigo i chamado de l más pertués de Pertual, que mantén-se popular i fiel a la tradiçon nun amportando l samba i outros strangeirismos. A la par cul Antruido de Canhas de Senhorin cun acerca de 400 anhos i tradiçones únicas cumo ls Pizones, las Paneladas, Queima de l Antrudo, çpique antre outras. Ne ls Açores, más propiamente na ilha Terceira, hai ua de las formas más peculiares de l Antruido an Pertual, las Beilças i Beilinhos de Antruido. Esta tradiçon, tenida cumo a maior manifestaçon de triato popular an Pertual, remonta al tiempo de l purmeiros poboadores i amostra un stilo triatal bien al jeito de l Outos bicentinos.

Stória i eitimologie

La fiesta carnabalesca aparece zde la amplantaçon, ne l seclo XI, de la Sumana Santa pula Eigreija Católica, antes de la quarenta dies de ayuno, la Quaresma. Esse tiempo de pribaçones acabarie por ancentibar la reunion de muitas fiestas ne ls dies antes de la Quarta-feira de Cinzas, l purmeiro die de la Quaresma. La palabra pertuesa "carnaval" stá, assi, ligada cula eideia de "afastamiento" de l prazeres de la chicha marcado pula spresson "carne vale"(an mirandés "chicha bal"), que, acabou por formar la palabra "carnaval"; an Mirandés Antruido.

Antruido de Loulé, Pertual - Febreiro de 2006

An giral, l Antruido ten la duraçon de trés dies, ls dies antes de la Quarta-feira de Cinzas. An cuntraste cula Quaresma, tiempo de peniténcia i pribaçon, estes dies son chamados "gordos", an special la terça-feira (Terça-feira gorda, tamien coincida pul nome francés Mardi Gras), redadeiro die antes de la Quaresma. Ne ls Stados Ounidos, l termo mardi gras ye sinónimo de Antruido.

Na era de l Renacimento las fiestas que acuntecian ne ls dies de antruido ancorporórun ls baile de máçcaras, cun ricas fantasies i ls carros alegóricos. A las fiesta popular i zourganizada juntórun-se outros tipos de comemoraçon i als poucos la fiesta fui tomando l formato atual.

L Antruido ye un tiempo de fiestas regidas pul anho lunar ne l Crestianismo de la Eidade Média. Durante l tiempo de l Antruido habie ua grande cuncentraçon de fiestas populares. Cada cidade brincaba de l sou modo, d'acordo culs sous questumes. L Antruido moderno, feito de çfiles i fantasies, ye perduto de la sociadade bitoriana de l seclo XIX. La cidade de Paris fui l percipal modelos sportador de la fiesta carnabalesca pa l mundo. Cidades cumo Nice, Nuoba Orleanes, Toronto i Riu de Janeiro anspirarian-se ne l Antruido francés para amplantar sues nuobas fiestas carnabalescas sendo l Antruido de l Riu de Janeiro cunsidrado l más amportante de l mundo.

Cálclo de l die de Antruido

Todos ls feriados eiclesiásticos son calculados an funçon de la data de la Páscoa, fuora l Natal. Cumo l demingo de Páscoa ye ne l purmeiro demingo passado la purmeira luna chena a partir de l eiquinócio de la primabera (ne l heimisfério norte) ó de l eiquinócio de l outonho (ne l heimisfério sul), i la sesta-feira de la Peixon ye la que ye antes de l Demingo de Páscoa, anton la terça-feira de Antruido acuntece 47 dies antes de la Páscoa.

Refréncias