Atenas

Atenas (an griego Αθήνα, transl. Athína) ye la capital de la Grécia i tamien la capital de la Ática. Para alhá de ser ua cidade moderna, Atenas tamien ye famosa por tener sido poderosa Cidade-Stado i un centro de cultura mui amportante ne ls tiempos antigos.

An griego antigo, Atenas era chamada Αθήναι (Athénai), an houmenaige a la diusa griega Atena. Ne l seclo XIX, este nome fui retomado formalmente cumo nome de la cidade, mas zde l abandono ouficial de l griego katharébussa, an 1976, la forma popular Αθήνα tornou-se l nome ouficial de la cidade.

Ber artigo percipal: Stória de Atenas

Atenas fui la percipal cidade na Grécia Antiga durante l grande período de la ceblizaçon griega, ne l purmeiro milénio a.C., durante la "Eidade de l Ouro" de la Grécia (aprossimadamente 500 a.C. até 300 a.C.) eilha era l percipal centro cultural i anteletual de l Oucidente, i cierta mente ye nas eideias i práticas de la Antiga Atenas que l que nuolos chamamos de "ceblizaçon oucidental" ten sue ourige. Após sous dies de grandiosidade, Atenas cuntinou a ser ua cidade próspera i un centro de studos até l período tardio de l Ampério Romano. Las scuolas de filosofie fúrun cerradas an 529 depuis que l Ampério Vizantino fui cumbertido para l cristandade. Atenas perdiu bastante l sou status i se tornou ua cidade probinciana.

Antre l seclo XIII i l seclo XV fui cumbatida puls bizantinos i cabalheiros franceses/eitalianos de l Ampério Lhatino. An 1458, caiu an poder de l Ampério Otomano i la populaçon ampeçou a deminuir i las cundiçones piorórun quando l Ampério Otomano declinou. Partes de la cidade (ancluindo muitos de sous eidifícios) fúrun çtruídos ne l seclo XVII, seclo XVIII i seclo XIX, por defrentes façones que tentórun cuntrolar la cidade.

Quedou birtualmente inabitada na época an que se tornou la capital de l recentemente stabelecido Reino de la Grécia, an 1833. Durante las próssimas poucas décadas fui reconstruída i se transformou nua cidade moderna.

La redadeira grande spanson ocorreu na década de 1920, quando ls subúrbios fúrun criados para acomodar ls refugiados griegos de la Ásia Menor.

Durante la Segunda Guerra Mundial fui acupada pula Almanha Nazi i stubo mal ne ls redadeiros anhos de la guerra. Depuis de la guerra ampeçou a crecer outra beç.

La Grécia antrou para la Ounion Ouropeia an 1981, trazendo nuobos ambestimentos para Atenas, acumpanhados de porblemas de cungestionamento i poluiçon de l aire.

Ancluindo ls subúrbios, Atenas ten ua populaçon de cerca de 3,3 milhones de habitantes, quaije un terço de la populaçon total de la Grécia. Atenas creciu debrebe ne ls redadeiros anhos i ben sofrendo porblemas ourbanos, cumo superpopulaçon, cungestionamentos i poluiçon de l aire.

Atenas spalha-se pula planície central de Ática, que ye lhimitada pul monte Aegaleo la oeste, monte Parnita al norte, monte Pentélico la nordeste, monte Hímetus la leste, i l Golfo Sarónico la sudoiste. Spandiu-se de modo a cobrir to la planície, sendo, portanto, pouco probable que la cidade cresça an ária de forma significatiba ne l feturo debido a las frunteiras naturales. La geomorfologie de Atenas causa frequentemente fenómenos de ambersones térmicas, parcialmente responsables pul porblema de poluiçon. (Los Angeles ten geomorfologie semelhante i porblemas decorrentes semelhantes).

La tierra ye rochosa i de baixa fertilidade. L antigo lhocal de la cidade era centrado na colina rochosa de la Acrópole. An tiempos antigos, l porto de l Pireu era ua cidade a la parte, sendo, hoije, parte de la grande Atenas.

La cidade moderna de Atenas cunsiste de l que antigamente éran bilas i cidades çtintas que als poucos spandiran para formar ua cidade grande i sola; esta spanson ocorreu ne l seclo XX. La cidade stá agora debedida an 54 subprefeituras, a maior deilhas que ye la subprefeitura de Atenas (ó Dimos Athinaion), cun aprossimadamente un milhon de pessonas (l segundo maior ye Pireus).Atenas puode, portanto, se referir tanto a la cidade to quanto a la prefeitura de Atenas (parte central de la cidade). Cada ua de las prefeituras de la region de Atenas ten un cunseilho municipal eileito i un prefeito eileito de forma direta. An janeiro de 2007 fui eileito prefeito de Atenas Nikitas Kaklamanis, de l partido cunserbador Nuoba Democracie.

L Munecípio de Atenas ye debedido an bários çtritos ó bairros: Omonoia, Syntagma, Sarcheia, Aghios Nikolaos, Neapolis, Lycabittos, Lhofos Strefi, Lhofos Finopoulou, Lhofos Filopappou, Pedion Areos, Metaxourgeio, Aghios Kostantinos, Staçon Lharissa, Kerameikos, Psirri, Monastiraki, Gazi, Thission, Kapnikarea, Aghia Irini, Aerides, Anafiotika, Plaka, Acrópole, Pnyka, Makrygianni, Lofos Ardittou, Zappeion, Aghios Spyridon, Pangration, Kolonaki, Dexameni, Ebaggelismos, Gouba, Aghios Ioannis, Neos Kosmos, Koukaki, Kynosargous, Fix, Anho Petralona, Kato Petralona, ROUF, Votanikos, Profitis Daniil, Akadimia Platonos, Kolonos, Kolokynthou, Praça Attikis, Lhofos Skouze, Sepolia, Kypseli, Aghios Meletios, Nea Kypseli, Gyzi, Polygono, Ampelokipoi, Panormou-Gerokomeio, Pentagono, Eillinorosson, Filothei Kato, Anho Kypseli, Tourkobounia-Lhofos Patatsou, Lhofos Eilikonos, Koliatsou, Thymarakia, Kato Patisia, Treis Gefyres, Aghios Eileftherios, Anho Patissia, Kypriadou i Prompona.

La Praça Omonoia (Modelo:Lang-el) ye la más antiga praça de Atenas. Ye rodeada por houteles i lhoijas de fast fod, i anclui ua staçon de camboio outilizado pul Metro de Atenas i ls Eilektrikos, chamada Staçon Omonoia. La praça ye muitas bezes l foco para la celebraçon de las bitórias çportibas, cumo pudo ser bisto após la cunquista de l Ouro 2004 i de l torneio Ourobasket 2005.

L renobado bairro Psirri (Modelo:Lang-el) ye pontilhado cun antigas i renobadas mansones, i spácios para artistas, galeries i pequeinhas lhoijas. Ua série de eidifícios renobados tamien albergan ua grande bariadade de bares na moda, tornando-se un foco para la cidade subretodo na redadeira década, anquanto un cunjunto de restourantes de musiqueira al bibo coincidos cumo "rebetadika", nome que ben dua singular forma de musiqueira que floresceu ne l Syros i an Atenas, de 1920 até a la década de 1960.

La Praça Syntagma (Modelo:Lang-el) ye la praça central de la capital, situada junto al Parlamento i al Túmulo de l suldado çconhecido, adonde quedan ls melhores houteles de la cidade. La rue Ermou, cun cerca de 1 kn de lhongo camino pedonal, lhiga la Praça Syntagma la Monastiraki, i ten sido tradicionalmente un paraíso para ls cunsumidores, tanto atenienses i turistas. Cumpletan la moda muitas lhoijas i centros comerciales, cun artigos de marcas anternacionales, i stá ne l top 5 de las rues comerciales más caras na Ouropa^[1].

Plaka (Modelo:Lang-el), situada na costielha norte i lheste de la Acrópole, ye famosa por sue abundante arquitetura neoclássica, tornando-se un de l más cénicos bairros de la cidade. Cuntina a ser un çtino turístico tradicional por eiceléncia cun un cunjunto de pitorescas tabernas i stá bien bibo a todas las horas. Próssimo chimpa Monastiraki (Modelo:Lang-el), zona bien coincida por sue série de pequeinhas lhoijas, restourantes típicos i mercados, bien cumo pula feira al aire lhibre. Outro bairro specialmente famoso puls sous studantes, siempre abarrotado i cun eilegantes cafés, ye Theseun ó Thission (Modelo:Lang-el), situado la oeste de Monastiraki. Notábel an Thission ye l antigo Templo de Heifesto, subre ua pequeinha colina.

L bairro de Kolonaki (Modelo:Lang-el), na base de l monte Licabeto, stá cheno de lhoijas i boutiques caras frequentadas durante l die i bares na moda i restourantes de nuite. Tamien ten un basto cunjunto de galeries de arte i museus. Ye cunsiderada cumo ua de las zonas de la capital de maior sclusibidade i prestígio.

Sárchia (Modelo:Lang-el), lhocalizada la norte de Kolonaki, ten ua reputaçon mista cumo sede recente ó atual de la cidade anarquista, adonde ampeçórun i fúrun más biolentos ls çtúrbios de 2008 na Grécia. L bairro ten ua bida culturalmente atiba i muitos cafés, bares i lhibraries. Ye l lhar de la Ounibersidade Técnica Nacional de Atenas i de l Museu Arqueológico Nacional de Atenas, mas tamien cuntén numerosos eidifícios amportantes de bários stilos de l seclo XX, ne ls stilos neoclássico, Art Deco i Modernista (ancluindo anfluéncias de la Vauhaus).

L centro de la cidade ye la Praça Sintagma (Praça de la Custituiçon), lhocal de l antigo Palácio Rial, de l Parlamento de la Grécia, de l Túmulo de l Suldado Çconhecido i de outros prédios públicos de l seclo XIX. La maiorie de las partes antigas de la cidade cuncentran-se al redor deste centro. Las partes más recentes son custruídas an cuncreto i sofren, giralmente, de caréncia de facilidades ourbanas cumo stacionamentos.

Atenas ye un de l maiores centros mundiales para la pesquisa arqueológica, ua beç que ten einúmeros sítios arqueológicos lhocalizados ne l própio centro ourbano de la cidade. Dentre eilhes se çtaca la Acrópole, l antigo centro sagrado de la cidade, célebre an to l mundo tanto por sue relebáncia stórica cumo pulas ruínas de eidifícios clássicos amportantes cumo l Partenon i l Ereteion. Para alhá desso, la cidade sedie bárias anstituiçones nacionales i Ourganismos anternacionales boltados para la arqueologie, cumo la Ounibersidade de Atenas, la Sociadade Arqueológica, l Departamento de Cultura de la Grécia i dibersos museus de antiguidades, ne ls quales se çtacan l riquíssimo Museu Arqueológico Nacional, l Museu de la Acrópole de Atenas, l Museu Venaki i l Museu Bizantino i Crestiano. Tamien sedie cunferéncias, ancontros i sposiçones anternacionales subre l assunto. Cun esso la cidade atrai studiosos de to l mundo. I para alhá de las relíquias arqueológicas las´eigreijas ourtodoxas son ua atraçon a la parte, cun dibersas spalhadas pula cidade, alguas mui antigas i cun ua decoraçon anterna lhuxuriante, cun çtaque para la Catedral, la eigreija de Omorfoklissia i la de Panaghia Kapnikarea.

Antre ls spácios monumentales i museológicos cuntan-se:

• L Parthenon na Acrópole i l sou museu;
• La Ágora de Atenas (centro nebrálgico de la cidade antiga) i l sou museu;
• La Ágora Romana de Atenas i la Torre de l Ventos (un reloijo hidráulico custruído ne l seclo I);
• L Templo de Zeus Oulímpico;
• L Theseion;
• L Triato de Dionísio;
• L Stádio Panathinaiko, feito por Adriano i Heirodes Ático i renobado an 1896;
• L Museu Arqueológico Nacional de Atenas que alberga ua de las maiores coleçones de arte de la Grécia Antiga;
• L Museu Vizantino i Crestiano de Atenas criado cun las coleçones de la Sociadade Arqueológica Cristiana;
• La Pinacoteca Nacional de Atenas;
• L Museu Benaki;
• L Museu de Arte Cicládica Goulandris;
• La nécropole antique de Keramikos i l Museu Arqueológico de Cerámica.

Atenas ye ua cidade cun grande mistura de stilos arquitetónicos, que ban de l stilo greco-romano i neoclássico al moderno. Muitos de l eidifícios más proeminentes na cidade son an stilo greco-romano ó neoclássico. Alguns destes redadeiros son eidifícios públicos custruídos an meados de l seclo XIX sob ourientaçon de Theophil Freiherr bon Hansen:

• Academia de Atenas

• Cámara Municipal de Atenas
• Pralamento Griego
• Antigo Parlamento Griego (1875-1932) (hoije Museu Nacional Stórico)^[2]
• Ounibersidade de Atenas
• Zappeion, centro de sposiçones i reuniones

Atenas fui sede de l Jogos Oulímpicos de Berano de 2004, assi cumo ls purmeiros jogos oulímpicos modernos, ls jogos de Atenas, an 1896, i las oulimpíadas antermediárias de 1906.

• Temístocles, stratega que benceu la batailha de Salamina.
• Sócrates, filósofo
• Platon, çcíipulo de l anterior
• Péricles, stratega de la cidade de 451 a.C. la 429 a.C.
• Dionísio Areopagita,
• Irene de Atenas, amperatriç de Bizáncio
• Santa Filoteia de Atenas, santa padroeira de la cidade.

Atenas ye la nible mundial la sesta cidade más besitada por turistas, pus para eilhes ye eigualmente pródiga an lhocales antressantes, tanto antigos cumo modernos, i çpone dua anfraestrutura cumpleta de serbícios.

Alguns de l percipales puntos turísticos son:

• Acrópole de Atenas, l antigo centro relegioso de la cidade
• Ágora de Atenas, cun bários eidifícios antigos
• Templo de Zeus Oulímpico
• Jardines Nacionales
• Praça Syntagma, cul prédio de l Parlamento Griego, antigamente l Palácio Rial
• Monte Lhicabeto
• Museu Arqueológico Nacional

• Museu Stórico Nacional

• Museu Benaki
• Museu Bizantino i Crestiano
• Biblioteca Nacional

• Academia de Artes de Atenas
• Catedral de Atenas
• Eigreija de Omorfoklissia
• Eigreija de Panaghia Kapnikarea
• Stádio Oulímpico de Atenas
• Stádio Panathinaiko
• Ls bairros Plaka, Kerameikos, Monastiraki i outros centrales guardan un casario típico i oufrecen un comércio bariado.

L antigo campus de la Ounibersidade de Atenas, na abenida Panepistímiu, ye ua de las más requintadas custruçones de Atenas, juntamente cul prédio de la Biblioteca Nacional i l prédio de la Academia de Artes de Atenas.Estes prédios forman, juntos, la Trilogie de Atenas, custruída ne l fin de l seclo XIX. Apesar deste requinte, la maiorie de las funçones ounibersitárias fúrun mobidas para un campus moderno, al lheste de l centro de la cidade, próssimo al Zografo. Outra ounibersidade presente an Atenas ye la Scuola Politécnica de Atenas (an griego, Εθνικό Μετσόβιο Πολυτεχνείο, Ethnikó Metsóbio Politechnío), adonde 24 studantes fúrun mortos an 1973 durante demunstraçones contra l regime militar griego.

L munecípio de Atenas ten ua populaçon ouficial de 745.514 habitantes^[3] i ua populaçon metropolitana de 3,2 milhones (ancluindo ls subúrbios).^[3] Acradita-se, porén, que la populaçon atual ye maior, porque durante l censo (rializado la cada 10 anhos) alguns moradores atenienses biajórun para las cidades adonde habien nacido i se registrórun cumo cidadanos de l lhocal.^[4]

Refletindo essa ancerteza subre l balor rial de la populaçon, bárias stimatibas pónen la quantidade berdadeira antre quatro^[5] i cinco milhones de pessonas.^[6][7] Tamien nun fúrun cuntados ls eimigrantes eilegales ouriginados principalmente de la Albánia, de países de l Leste de la Ouropa i de l Paquiston, cujos númaros son çconhecidos.^[8][9]

La parte antiga de la cidade stá lhocalizada nas colinas rochosas de la acrópole. Ne ls tiempos passados, Pireu era ua cidade apartada, mas fui antretanto absorbido pula ária de la Grande Atenas. La rápida spanson de la cidade ampeçou nas décadas de 1950 i 1960 i cuntina até hoije, por causa de la transiçon de la eiquenomie cun base agrária para ua nacion andutrial.^[10] La spanson ye, agora, particularmente an direçon al lheste i al nordeste (ua tendéncia relacionada al nuobo Aeroporto Anternacional Eileftherios Benizelos i a la Attiki Odos, la rodobia que corta la Ática dun lhado al outro). Por este porcesso, Atenas absorbeu muitos subúrbios i bilas de la Ática, i cuntina la fazé-lo. Atrabeç de sue lhonga stória, Atenas spurmentou muitos nibles populacionales defrentes. La tabela ambaixo mostra l stórico de la populaçon de Atenas ne ls tiempos recentes.