Ю (Швеции)

Ю (шведлӓ Hjo, юж картышты Йо) — Веттерн йӓр тӹрӹштӹ вӓрлӓнӹшӹ Вестергётланд провинциштӹшӹ изирӓк швед хала. Ӹлӹзӹ шот — 8 809 эдем (2009 и). Ю хала статусым эче 1413 инок нӓлӹн. Швецин у закон семӹнь хала статусым 10 000 эдемӓн ӹлӹмӹ вӓрлӓн веле пуат, но Ю кӹзӹтӓт халаэш шотлалтеш. Халашты тӹнг шотышты пу томавлӓ. Ю Экшё да Нура халавлӓ дон «Кым пу хала» лӹмӓн туристический маршрутыш пырат (шведлӓ Tre trästäder).