[go: up one dir, main page]
Прејди на содржината

Стридон

Од Википедија — слободната енциклопедија
Епископското седиште на Стридон во римската провинција Далмација (во денешна Босна и Херцеговина) на картата на Римската Империја околу 395 н.е., од Историски атлас (1911) од Вилијам Р. Шеферд.
Во оваа книга од 1752 година со наслов Natale solum magni ecclesiae doctoris sancti Hieronymi in ruderibus Stridonis occultatum („Родното место на Свети Јероним“.), Хрватскиот павлински Јосип Бедековиќ Коморски од манастирот „Света Елена“ се однесува на Штригова во Меѓумурјската Жупанија како родно место на Свети Јероним.

Стридон (латински: Strido Dalmatiae) ― поранешен град во римската покраина Далмација познат како родно место на Свети Јероним. Од Стридон потекнувал свештеникот Лупикин Стридонски . Понатаму, Домн Панонски, епископ кој учествувал на Првиот вселенски собор, често се вели дека потекнувал или бил епископ на Стридон; поверојатно бил епископ на Сирмиум. Во 379 година, градот бил уништен од Готите. Јероним напишал за тоа во своето дело De viris illustribus:[1] „Јероним е роден од неговиот татко Евзебиј, [во] градот Стридон, кој Готите го собориле и некогаш бил на границата меѓу Далмација и Панонија“. („Hieronymus patre Eusebio natus, oppido Stridonis, quod a Gothis eversum, Dalmatiae quondam Pannoniaeque confinium fuit... ").

Точната местоположба на Стридон не е позната. Можно е Стридон да се наоѓал или во современа Хрватска или Словенија. Можни места се околината на Љубљана,[2] Старод (Словенија), Сдрин, Штригова, Зрењ, Зрин (Хрватска) и многу други во двете земји.[3][4][5] Меѓутоа, според други извори, како што е Фране Булиќ во неговото дело Стридон (Граховопоље во Босна) Родното место на Свети Јероним: историско-географска расправа (1920) и географската карта на Римската Империја во 395 г. од Историски атлас од (1911 г.) Вилијам Р. Шеферд, Стридон, кој бил седиште на епископија, е сместен на 44.2N, 17.7E, во денешна Босна и Херцеговина, во Граховско Поле, во близина на градот Грахово.[6][7]

Наводи

[уреди | уреди извор]
  1. ↑ Jerome, De viris illustribus, ch. 135.
  2. ↑ „Decorative Arts: Renaissance - Saint Jerome and the Lion“. Louvre.fr. 2010. Архивирано од изворникот на 15 јуни 2011. Посетено на 25 август 2023.
  3. ↑ „Neizčrpen vir“ [An inexhaustible resource]. www.druzina.si.
  4. ↑ Josip Florschütz (October 1902). „Stridon i Zrin“ [Stridon and Zrin] (PDF). Vjesnik Arheološkog muzeja u Zagrebu (хрватски). 6 (1): 87–98. ISSN 0350-7165. Посетено на 25 август 2023.
  5. ↑ Antun Mayer (January 1942). „Stridon“ [Stridon] (PDF). Vjesnik Arheološkog muzeja u Zagrebu (хрватски). 22-23 (1): 175–185. ISSN 0350-7165. Посетено на 25 август 2023.
  6. ↑ Bulić, Frane (1920). „Stridon (Grahovopolje u Bosni) rodno mjesto Svetoga Jeronima: rasprava povjesno-geografska“ [Stridon (Grahovopolje in Bosnia) the birthplace of St. Jerome: a historical-geographical discussion]. Journal of Dalmatian Archeology and History, v. 43. Zemaljska štamparija - Sarajevo. Посетено на 25 август 2023.
  7. ↑ Shepherd, William R. (1911). „The Roman Empire about 395“. Historical Atlas. New York: Henry Holt and Company. стр. 42–43. Посетено на 25 август 2023.
Преземено од „https://mk.wikipedia.org/w/index.php?title=Стридон&oldid=5241555“