Махараштра е сојузна држава во Индија со површина од 307.713 км2 и 96.752.247 жители (сос: 1. јан. 2001). Густината на населението е 314 жит/км2. Втора е по население, а трета по површина во Индија. Најголемиот индиски град Мумбај (поранешен Бомбај) е главен град на Махараштра.
Западните Гати претставуваат ридско подрачје пралелно со брегот, со просечна висина од 1200 метри. Западно се наоѓа Конкан крајбрежна низина, која е широка 50 до 80 км. Источно од Гата се простире висорамнината Декан. Западните Гати претставуваат подрачје каде извираат многу реки кои течат на југот од Индија. Тука извираат Годавари и реката Кришна.
Махараштра претставува втора индиска држава по бројот на население. Има 96.752.247 жители. Само 11 земји од светот имаат повеќе население од Махараштра. Градско население сочинува 42.4% од вкупното население. Службен јазик је маратскиот, кој го зборува мнозинството на населението. Сепак во Мумбај, како космополитски град се зборуваат и хинди, гуџаратски и англиски. Мнозинска религија е хиндуизмот со 80,2% верници, а муслиманите сочинуваат 10,2%, будистите 6%, а џаинисти и христијаните по 1%.
