Џовани Волпи
Грофот Џовани Волпи ди Мисурата (роден 1938 година во Венеција, Кралство на Италија) бил италијанско-алжирски благородник и поранешен менаџер на автомобилски трки и сопственик на тим во Формула 1. Тој наследил богатство, на 24-годишна возраст, од неговиот татко, грофот Џузепе Волпи ди Мисурата, политичар финансиер и основач на реномираниот филмски фестивал во Венеција. За време на Втората светска војна, таткото на Џовани Волпи служел во кабинетот на Мусолини како министер за финансии и еден од неговите главни советници. Тој дизајнирал неколку од мерките за штедење на Мусолини и по војната побегнал од гонење. Неговиот татко, исто така, ја стекнал и реставрирал вилата Барбаро во Мазер, Италија, била изградена првично за семејството Барбаро. Џовани Волпи бил син на Џузепе и неговата втора сопруга Натали Ел Канони. [1]
Џовани Волпи го основал тркачкиот тим, Скудерија Серенисима, во 1961 година и брзо станал еден од најдобрите клиенти на Ферари. Во 1962 година, Скудерија Серенисима им го нарачала на Пјеро Дрого и Џото Бизарини дизајнот на Ferrari 250 GT Drogo, исто така познат како Ферари Бредван.[2]На крајот на годината, кога група високи личности, вклучувајќи ги Бизарини и Карло Чити, го напуштиле Ферари за да се приклучат на Волпи и го основаа АТС, односите на Волпи со Енцо Ферари се заладија. Последователно, Ферари одби да му продаде на Волпи два 250 GTO што ги побара за неговиот тим GT. [3]
По катастрофалната кампања во Формула 1 во 1963 година, каде што возачите Фил Хил и Џанкарло Багети не успеале да освојат шампионски бодови, АТС се затвори. Волпи потоа продолжил со марката Серенисима. Брус Мекларен користел мотор Серенисима за неколку Гран При во 1966 година.
Волпи е оженет со Доминика Ризо и живее во Женева.[4]
Наводи
[уреди | уреди извор]- ↑ „Giuseppe Volpi di Misurata“. www.histouring.com. Посетено на 2020-12-21.
- ↑ „Count Giovanni Volpi on creating the Breadvan and GTO (excellent read for collectors)“. FerrariChat - The world's largest Ferrari community (англиски). Посетено на 2020-12-21.
- ↑ Press, Porter (2018-10-25). „Bizzarrini - the Rebel, the Count and the Commendatore“. Porter Press International (англиски). Посетено на 2020-12-21.
- ↑ „Matrimonio tra il conte Giovanni Volpi di Misurata e la bella Dominique Rizzo“. La Nuova di Venezia (италијански). 2018-04-09. Посетено на 2020-12-21.