Јист

Јист
Воздушен поглед на Јист од исток
Јист
Управа
Земја	Германија
Покраина	Долна Саксонија
Округ	Аурих
Месни единици	2
Градоначалник	Тјарк Гергес
Основни податоци
Површина	16,43 км2
Надм. височина	3 м
Население	1.552 (31 декември 2022)[1]
- Густина	94 жит/км2
Други информации
Часовен појас	CET/CEST (UTC+1/+2)
Рег. табл.	AUR
Пошт. бр.	26557–26571
Повик. бр.	04935
Портал	juist.de
Местоположба на Јист во рамките на округот Аурих
Координати	53°40′43″N 6°59′51″E / 53.67861° СГШ; 6.99750° ИГД / 53.67861; 6.99750

Јист (германски: Juist; долногермански: Juist) — еден од 32. Фризиски Острови и општина во округот Аурих, во сојузната покраина Долна Саксонија, Германија. Тој е еден од седумте населени Источнофризиски Острови на работ од долносаксонскиот дел од Ваденското Море во јужниот дел на Северното Море, сместен помеѓу островот Боркум (запад), Мемерт (југозапад) и Нордернај (исток).

Островот е долг 17 километри, а широк од 500 до 1000 метри, во зависност од водостојот на плимата. На островот постојат две села: главното село Јист и Лог. Островот е одвоен од Норденај со морскиот премин Нордернај („гат“).

Јист е германски остров во јужниот дел на Северното Море, кој припаѓа на островската група Источнофризиски Острови и на Источна Фризија. Јист има површина од 16,43 км². Најголемата оддалеченост од копното е околу осум километри. На запад од Јист се наоѓа островот Боркум, додека на југозапад е островот Мемерт. На исток, одвоен со морските премини („гат“) Шлухт, Шпаниер и Нордернај, се наоѓа островот Нордернај. Помеѓу Борким и Јист се протега Кахелотплате, кој се развива од песочен брег во остров, додека западно од него тече источниот ракав на Емс. Делови од островот и Ваденското Море припаѓаат на националниот парк „Долносаксонско Ваденско Море“. Дините на островот достигнуваат височина од околу 22 метри. Највисока дина е онаа каде се наоѓа Водокулата Јист со височина од 22,1 метар.^[2]

Климата на островот Јист е под директно влијание на Северното Море. Во просек, температурите на островот во лето се посвежи, а во зима се потопли отколку на копното.

Плажата и дините на Јист во западните дел се измивани од морето. Ова се случува поради промена на струите и нестабилниот песочен брег. Песокот на плажите на сите Источнофризиски Острови се движи од запад кон исток. Во делови, каде поголемиот дел од песокот е одвеан или одмиен од морето, плажата станува потесна и пониска, што може да доведе до рушење на дините. Овој ефект придонесува за источно придвижување на Источнофризиските Острови. Сите острови, освен Јист и Лангеог, се бранат со бетонски брани. На Јист бил подигнат заштитен ѕид во 1920 година, кој денес е покриен со песок.

Во некои делови на Јист, особено на исток и кај Калфамер, има повеќе песок донесено ветрот отколку однесено, поради што има широка плажа со зголемување на дините кон исток.

Во XVII и XVIII век, Јист бил поделен на два дела од неколку плимни бури (како Светипетрова поплава). Околу 1770 година, луѓето започнале на јужната страна да создаваат брана со дини долга два километри. Во 1928 година, северната страна била обновена. Во тоа време, водата во езерото Хамерзе станала од солена во слатка вода. На 9 септември 2001 година, граѓаните на Јист гласале за нивниот градоначалник по првпат.

Туризмот е главен извор на приходи за стопанството на островот. Скоро сите градби на островот поседуваат соби за издавање, а воедно постојат неколку хотели и младински хостел. Постои островско партнерство помеѓу Јист и островот Хидензе во Балтичкото Море.

• Мартин Лузерке (1880-1968) — прогресивен педагог

• 
  Бањата во Јист
• 
  Поглед на пристаништето
• 
  Поглед на селото
• 
  Хотел во Јист
• 
  Водокулата
• 
  Светилник на Јист
• 
  Старите бањи

• Јист на Ризницата ^?
• Матична страница (германски)

п р у Градови и општини во округот Аурих Аурих Балтрум Берумбур Вирдум Висмор Гросефен Гросхајде Дорнум Зидброкмерланд Илов Јист Крумхерн Лецдорф Литетсбург Мариенхафе Норден Нордернај Остел Рехтсупвег Упгант-Шот Хаге Хагермарш Халбемонд Хинте

п р у Фризиски Острови Западнофризиски Острови (Холандија) Нордерхакс Тексел Влиланд Рихел Тесхелинг Гринд Амеланд Риф Енгелсманплат Схирмониког Симонсзанд Ротемерплат Ротумерог Заудердаунтјес Поранешни острови Виринген Моникенлангеног Босх Источнофризиски Острови (Германија) Боркум Литје Херн Кахелотплате Мемерт Јист Нордернај Балтрум Лангеог Шпикерог Вангероге Минзенер-Олдог Мелум Поранешни острови Бујзе Хелголандски Залив (Германија) Ланглитјен I и II Гросер Кнехтзанд Хелголанд Дине Нојверк Шархерн Нигехерн Тришен Тертиус Блауорт Севернофризиски Острови (Германија) Гребенски Острови Пелворм Амрум Фер Зилт Утхерн Хализи Греде Хабел Хамбургер Халиг Хоге Лангенес Нордерог Нордштрандишмор Оланд Зидерог Зидфал Поранешни острови Хајнсхалиг Нордштранд Штранд Дански Ваденски Острови (Данска) Реме Коресанд Фане Хализи Лангли Манде Поранешни острови Јордсанд