Tari Payuang

Tari payung adolah tarian yang malambangkan kasiah sayang.^[1] Tarian ko dilakuan manggunokan payuang sabagai instrumen palengkap.^[2] Tarian nan barasal dari Minangkabau, Sumatra Barat ko biasonyo dilakuan 3-4 urang panari yang dilakuan sacaro bapasangan antaro padusi jo laki- laki.^[1] Tarian ko mancaminan pargaulan mudo-mudi, sahingga panggunoan payuang ko batujuan untuak melinduangi kaduonyo dari hal-hal negatif.^[3] Tarian ko biasonyo dibaokan pado saaik pambukaan sabuah acara baralek, pameran atau bantuak kagiatan lainnyo.^[4]

Makna dari tari ko adolah wujuik palinduangan jo kasiah sayang saurang kakasiah kapado pasangannyo atau laki kapado bininyo dalam mambina kahidupan rumah tanggo supayo taruih bahagia jo santoso.^{[5] [6]} Bantuak parlinduangan ko indak diartian malalui garakan para panari padusi jo laki0 laki, karano garakan ko alah dimodifikasi sasuai jo parkambangan zaman.Tapi, makna tarian ko dilambangkan jo properti yang digunokan barupo payuang untuak laki- laki jo salendang untuak padusi. Payuang dilambangkan sabagai bantuak parlindungan laki- laki sabagai pilar utamo dalam kaluarga.^[6]Si panari laki- laki akan malinduangi kapalo panari padusi. Sadangkan, salendang khas Padang dilambangkan sabagai ikatan cinta suci yang kuek jo panuah kasatioan dari saurang padusi sarato kasiapannyo dalam mambangun rumah tanggo^[6]

Lagu pangiriang tari payuang bajudul Babendi-bendi ka Sungai Tanang. Dikisahkan kalau makna dalam lagu ko mancaritoan tantang sapasang laki- bini yang sadang babulan madu di Sungai Tanang. Barikuik adolah lirik lagu pangiriang tari payung: Babendi-bendi Babendi..bendi Ka sungai tanang Aduhai sayang (2x) Singgahlah mamatiak..singgahlah mamatiak Bunga lembayung (2x) Hati siapo..indak ka sanang aduhai sayang..(2x) Mailek rang mudo..mailek rang mudo manari payung..(2x) Hati siapo..hati siapo..indak ka sanang aduhai sayang..(2x) Mailek si nona..mailek si nona manari payung..(2x)

1. ↑ ^{a b} Teks pranala/ Archived 2016-11-04 di Wayback Machine. teks tambahan.
2. ↑ http://kamusbahasaindonesia.org/ Teks pranala], teks tambahan.
3. ↑ http://www.minangforum.com/ Archived 2019-10-08 di Wayback Machine. Teks Pranala], Teks tambahan.
4. ↑ http://www.bimbingan.org/ Archived 2018-05-17 di Wayback Machine. Teks pranala]teks tambahan.
5. ↑ http://www.anneahira.com/Teks Archived 2014-04-27 di Wayback Machine. pranala],teks tambahan.
6. ↑ ^{a b c} http://www.pelangiholiday.com/ Archived 2019-05-01 di Wayback Machine. Teks pranala],teks tambahan