Tanago dalam

Tanago dalam (bahaso Inggirih:Energy (esotericism)) atau Kanuragan dek urang nan ado di Jawa adolah suatu konsep nan populer pado masyarakaik Malayu di Asia Tenggara tarutamo di Indonesia dan Malaysia. Ilmu iko mancakuik kamampuan tahan (kebal) tahadok sorangan dan kamampuan untuak manyorang dangan kakuatan nan indak biaso. Kanuragan bahubuangan dangan kapicayoan Jawa sadulur papat atau ampek saudara diri. Urang pantiang ajak polisi, tantaro, politikus, dan pataruang banyak manggunakan ilmu kanuragan supayo kabal dari sarangan sanjato tamasuak manghantikan laju paluru nan malatuih. Kanuragan utamanyo dimanfaatkan katiko dalam kaadaan porang atau untuak kasihatan.^[1]

Tanago dalam dianggap suatu tanago manusia nan mampunyai kakuatan indak biaso. Tanago dalam babedo dari tanago luar manusia (nan biasonyo disabuik sacaro ringkeh sabagai "tanago" sajo) nan babantuak tanago fisik saparti kakuatan otot tangan untuak mangangkek barang.^[2]

Pada umumnyo tiok urang punyo apo nan disabuik jo tanago dalam, hanyo sajo inyo indak mangatahui bagaimano caro mambangkikkan atau mangombangkannyo. Tanago dalam iko go alah ado sojak manusia dilahiakan. Bilo tanaga iko masih pasif dan sawakatu-wakatu akan bangkik basobok urang tasabuik dalam kaadaan caruik-maruik, lalok bajalan, tahipnosis atau katakutan hinggo marah nan indak biaso.

Contoh : Surang nan takuik pado gaciak akan punyo kamampuan nan luar biasa dalam balari manghindari kajaran gaciak nan balari copek. Bilo tadosak, urang tasabuik dapek malompati dindiang satenggi 2m dangan sakali malompek. Raso takuik nan balobiahan tasabuik dapek mambangkikkan tanago dalamnyo nan sodang 'lalok'. Sacaro otomatis tanago dalam tasabuik bangkik dan tasalur pado kaduo kakinyo nan sodang digunoan untuak balari, Bilo alah barhasil manyalamatkan diri kakuatan iko mareda dan energi itu baliak 'lalok'. Kudian urang iko baru manyadari iyolah dirinyo alah malakuan suatu nan indak biaso.

Ado pulo nan malatiahnyo dangan ikuik bela diri ajak silek sapayo ingek caro mambangkikkannyo.

Patunjuak pado agamo Islam

وَلَقَدْ اٰتَيْنَا دَاوٗدَ مِنَّا فَضْلًاۗ يٰجِبَالُ اَوِّبِيْ مَعَهٗ وَالطَّيْرَ ۚوَاَلَنَّا لَهُ الْحَدِيْدَۙ

Tajomahannyo:
"Dan sungguah, Tolah Kami agiah kapado Dawud (Opak ò Nabi Sulaiman) dek karunia Kami. (Kami bakato), “Wahai gunuang-gunuang dan buruang-buruang! Batasbihlah baulang-ulang basamo Dawud,” dan Kami tolah malunakàn basi untuaknyo,"(Quran Surah. Saba' Ayat 10)

Rujuakan

↑ Farrer, Douglas (2016-09-01) (dalam bahaso en). War Magic: Religion, Sorcery, and Performance. Berghahn Books. ISBN 978-1-78533-330-9. https://books.google.co.id/books?id=mWnoCwAAQBAJ&pg=PA49&dq=Kanuragan&hl=en&sa=X&ved=2ahUKEwiClseL4OHsAhX-wTgGHVL5DG8Q6AEwAXoECAYQAg#v=onepage&q=Kanuragan&f=false.
↑ "Mengenal Berbagai Macam Energi di Dalam Tubuh Manusia" (dalam bahasa Indonesia).

Pautan lua

Cari tau tantang Tanago dalam di proyek-proyek Wikimedia lainnyo:
	Definisi dan terjemahan dari Wiktionary
	Gambar dan media dari WikiCommons
	Buku dari Wikibooks
	Entri basis data #Q1970852 di Wikidata