[go: up one dir, main page]
Lompat ke isi

Kabupaten Tebo

Wikipedia Minangkabau - Lubuak aka tapian ilimu
Kabupaten Tebo
Kabupaten di Jambi, Indonesia

Lambang
Semboyan: Bumi Serentak Galah Serengkuh Dayung
Nagara Indonesia
ProvinsiJambi
Tanggal paresmian12 Oktober 1999
Dasa hukumUU No.54 Tahun 1999
Ibu kotaMuara Tebo
Pamarintahan
 • BupatiH. Sukandar, S.Kom, M.Si
Laweh[1]
 • Total6.461,00 km2 (2,494,61 sq mi)
Panduduak (2020)[2]
 • Total335.228 jiwa
 • Kapadatan52/km2 (130/sq mi)
Demografi
 • AgamoIslam 96,72%
Kristen 3,07%
- Protestan 2,63%
- Katolik 0,44%
Kepercayaan 0,18%
Buddha 0,02%
Hindu 0,01%[2]
Zona wakatuWIB (UTC+07:00)
Kode telepon0744
Jumlah kecamatan12 kecamatan
Jumlah kelurahan5 kelurahan
Jumlah desa107 desa
DAURp 609.062.820.000,- (2020)[3]
IPM▲ 69,14 (2020)
Sedang[4]
Kode Kemendagri15.09 Edit nilai pada Wikidata
Situs webtebokab.go.id

Kabupaten Tebo adolah salah satu kabupaten di Provinsi Jambi, Indonesia. Kabupaten iko barasa dari hasia pamekaran Kabupaten Bungo Tebo, tanggal 12 Oktober 1999. Pado akhia taun 2019, Kabupaten Tebo bapanduduak 354.485 jiwa. Kabupaten nan babatehan jo Provinsi Riau sarato Provinsi Sumatera Barat iko baribu kota di Muara Tebo.[1]

Sijarah

[suntiang | suntiang sumber]

Pado maso Hindu-Buddha, Tebo disabuik dalam catatan Dinasti Sung (960-1280) jo namo She-po atau Tehu-po. Dalam catatan tasabuik, ado karajaan nan disabuik Karajaan Ho-lo-tan nan talatak di She-po atau Tehu-po nan barulang kali mangirim utusan ka Cino, yaitu pado taun 420, 433, 434, 436, 437, jo 452. Paradaban Hindu-Buddha di Tebo ditandoi jo adonyo bangunan paninggalan Hindu-Buddha nan babantuak candi di Kecamatan Sumay jo Kecamatan Tebo Ulu sarato arca di Desa Lubuk Mandarsah, Kecamatan Tengah Ilir.[5]

Kudian tagak karajaan nan banamo Karajaan Malayu di Muaro Batanghari nan bakuaso di Sungai Batanghari, tamasuak Tebo nan talatak di ulu sungai. Karajaan iko samaso jo Karajaan Sriwijaya. Kudian, Karajaan Malayu dikuasoi Singosari malalui Ekspedisi Pamalayu dan dibaoklah Dara Petak jo Dara Jingga ka Singosari. Katurunan dari Dara Jingga, Adityawarman, baliak ke ulu Batanghari dan manjadi rajo di karajaan nan dinamoi Karajaan Dharmasraya.[5]

Adityawarman mamindahkan pusek karajaan ka Minangkabau nan dinamokan Karajaan Pagaruyuang. Salanjuiknyo kapamimpinan Adityawarman digantikan dek Ananggawarman. Kudian Ananggawarman mampunyoi anak cucu nan banamo Putri Selaro Pinang Masak nan kudian ari dirajokan dek panduduak Jambi.[5]

Sasudah panduduak Jambi manjadi Islam, tagaklah Kasultanan Jambi. Sultan tarakhia dari Kasultanan Jambi, Sultan Thaha Syaifuddin baparang malawan Ulando dan akhianyo maningga pado taun 1904 sarato dimakamkan di Muaro Tebo.[5]

Ulando taun 1906 barasia manguasoi Jambi. Wilayah Muaro Tebo dek Ulando dijadikan sabagai wilayah nan disabuik afdeeling. Muaro Tebo dibagi manjadi 7 marga atau batin yaitu Petajen Hulu, Petajen Hilir, Tabir Hilir, IX Kota, VII Kota, Sumai dan Jujuhan (pado taun 1934 marga Jujuhan dimasuakan dalam wilayah administrasi Muaro Bungo).[5]

Pado maso Japang, pamarintahan di Tebo indak jauah babeda jo zaman Ulando. Pado 19 Agustus 1945, untuak partamo kali dikibarkan bandera merah putiah nan dipimpin dr. Syahrial Rahman di muko kantua Gun Co Muaro Tebo.[5]

Pado maso kamardekaan, dek keputusan PDRI No. 3/UP/PDRI Kota Muara Tebo merupakan ibukota Kabupaten Muara Tebo. Kudian diubah manuruik Undang-Undang No. 10 Tahun 1948 baso Muaro Tebo manjadi bagian dai Kabupaten Merangin nan baibu kota di Bangko. Kudian, dek Undang-Undang No. 7 Tahun 1965 Kabupaten Merangin dimekarkan baliak manjadi 2 kabupaten, yakni Kabupaten Sarolangun Bangko jo Kabupaten Bungo Tebo. Barulah pado 12 Oktober 1999, Kabupaten Bungo Tebo dimekarkan manjadi duo, yaitu Kabupaten Bungo jo Kabupaten Tebo manuruik UU No. 54 Tahun 1999.[5]

Geografi

[suntiang | suntiang sumber]

Bateh Wilayah

[suntiang | suntiang sumber]

Bateh wilayah Kabupaten Tebo antaro lain;

Utara Kabupaten Indragiri Hulu, Provinsi Riau
Selatan Kecamatan Tabir, Kabupaten Merangin
Barat Kabupaten Bungo jo Kabupaten Dharmasraya, Sumatera Barat
Timur Kabupaten Batanghari dan Kabupaten Tanjung Jabung Barat


Pamarintahan

[suntiang | suntiang sumber]

Daftar Bupati

[suntiang | suntiang sumber]
!Artikel utamo untuak bagian ko adolah: Daftar Bupati Tebo
No Bupati Mulai Manjabaik Salasai Manjabaik Periode Ket. Wakil Bupati
*
Abdul Madjid Mu'az
18 Oktober 1999
25 Mei 2001
—
  • Penjabat Bupati[6]
lowong
1
25 Mei 2001
12 Juni 2006
1
  • Bupati definitif partamo[7]
  • Pamiliahan melalui DPRD[6]
Helmi Abdullah
12 Juni 2006
12 Juni 2011
2
Sukandar
*
Abdullah
12 Juni 2011
20 Juni 2011
—
  • Pelaksana Harian Bupati[6]
lowong
*
Haviz Husaini
20 Juni 2011
27 Agustus 2011
—
  • Penjabat Bupati[8]
lowong
2
Sukandar
27 Agustus 2011
27 Agustus 2016
3
Hamdi
*
Agus Sunaryo
27 Agustus 2011
22 Mei 2017
—
lowong
(2)
Sukandar
22 Mei 2017
petahana
4
Syahlan

Dewan Perwakilan

[suntiang | suntiang sumber]
!Artikel utamo untuak bagian ko adolah: Dewan Perwakilan Rakyat Daerah Kabupaten Tebo

Barikuik iko adolah komposisi anggota DPRD Kabupaten Tebo dalam duo periode tarakhia.[12][13]

Partai Politik Jumlah Kurisi dalam Periode
2014-2019 2019-2024
PKB 1 ▲ 4
Gerindra 4 Steady 4
PDI Perjuangan 6 Steady 6
Golkar 11 ▼ 9
NasDem 2 ▲ 3
PKS 2 Steady 2
PAN 3 Steady 3
Hanura 1 ▼ 0
Demokrat 5 ▼ 4
Jumlah Anggota 35 Steady 35
Jumlah Partai 9 ▼ 8

Kecamatan

[suntiang | suntiang sumber]
!Artikel utamo untuak bagian ko adolah: Daftar kecamatan dan kelurahan di Kabupaten Tebo

Kabupaten Tebo mampunyoi 12 kecamatan, 5 kelurahan dan 107 desa (dari total 141 kecamatan, 163 kelurahan dan 1.399 desa di sadoalah Jambi). Pado taun 2017, jumlah panduduaknyo sabanyak 327.669 jiwa jo laweh wilayahnyo 6.461,00 km² dan sebaran panduduak 51 jiwa/km².

Daftar kecamatan dan kelurahan di Kabupaten Tebo, adolah sabagai barikuik:

Kemendagri Kecamatan Jumlah
Kelurahan		 Jumlah
Desa		 Status Daftar
Desa/Kelurahan
15.09.06 VII Koto 10 Desa
15.09.11 VII Koto Ilir 6 Desa
15.09.12 Muara Tabir 8 Desa
15.09.04 Rimbo Bujang 1 7 Desa
15.09.08 Rimbo Ilir 9 Desa
15.09.07 Rimbo Ulu 6 Desa
15.09.10 Serai Serumpun 8 Desa
15.09.05 Sumay 12 Desa
15.09.02 Tebo Ilir 1 10 Desa
15.09.01 Tebo Tengah 2 10 Desa
15.09.03 Tebo Ulu 1 16 Desa
15.09.09 Tengah Ilir 5 Desa
TOTAL 5 107

Lambang Kabupaten Tebo

[suntiang | suntiang sumber]
Lambang Kabupaten Tebo

Arti Lambang Logo Kabupaten Tebo;

  • Parisai persegi limo malambangkan Rukun Islam jo Ideologi Pancasila.
  • Gobah Musajik malambangkan baso mayoritas Panduduak Kabupaten Tebo baragamo Islam.
  • Pintu atau kotak-kotak pado gobah musajik nan tadiri dari anam buah malambangkan baso pado wakatu pambantuakan Kabupaten Tebo tadiri dari anam kecamatan.
  • Padi nan duo belas kapas nan sepuluh malambangkan kasejahteraan dan kamakmuran sarato tanggal bulan badirinyo Kabupaten Tebo.
  • Rantai sembilan di subalah suok jo sambilan di sabalah kida malambangkan pasatuan jo kasatuan sarato taun badirinyo Kabupaten Tebo.
  • Kajang Lako malambangkan kaaguangan jo marupokan alaik transportasi pado maso Kasultanan Jambi.
  • Aguang malambangkan salah satu alaik komunikasi jo alaik kasenian masyarakaik Kabupaten Tebo.
  • Tali bapilin tigo nan mangabek aguang malambangkan kasenian adat, syara', jo pamarintah.
  • Karih balakuak tujuah nan indak mamakai ulu malambangkan kapatuhan ka bakeh hukum sarato sumangek manulak nan bathil jo kufur, tujuah bilangan ganjia aratinyo indak mamihak.
  • Panjuluak jo Dayuang, Panjuluak (galah) adolah manunjuakan tekad untuak maju jo panulakan pado budayo asiang nan negatif, Dayuang adolah tando kakompakan, kabasamoan sarato bahu mambahu untuak mancapai tujuan basamo.
  • Sungai malambangkan baso Kabupaten Tebo didominasi dek daerah aliran sungai dan juo marupokan sarana transportasi masyarakaik.
  • Pita nan batuliskan "SEENTAK GALAH SERENGKUH DAYUNG" malambangkan identitas sosial, jatidiri, masyarakaik Kabupaten Tebo.
  • Kaluak Paku dalam Tuduang laya Kajang Lako malambangkan ragam ieh Kabupaten Tebo.

Panduduak

[suntiang | suntiang sumber]
Suku Anak Dalam (SAD) nan mauni rimbo Tebo, salah satunyo nan mauni Taman Nasional Bukit Duabelas.

Manuruik Sensus Panduduak Taun 2020, Kabupaten Tebo mampunyoi panduduak sabanyak 337.669 jiwa. Jumlah panduduak laki-laki sabanyak 173.708 jiwa, dan jumlah panduduak padusi sabanyak 163.961 jiwa. Kapadatan panduduaknyo 52 jiwa/km2. Kecamatan jo populasi paliang banyak ado di Kecamatan Rimbo Bujang nan mancapai 63.320 urang, sadangkan kecamatan jo populasi paliang saketek ado di Kecamatan Serai Serumpun nan mancapai 9.551 urang.[14]

Etnis

[suntiang | suntiang sumber]

Kabupaten Tebo marupokan kabupaten nan heterogen dek mampunyoi panduduak nan barasa dari baragam etnis.[15] Etnis nan rami mauni kabupaten iko antaro lain Malayu Jambi, Suku Anak Dalam (SAD), Jao, jo Minangkabau. Etnis Melayu Jambi jo Suku Anak Dalam marupokan etnis asali di Kabupaten Tebo. Samantaro etnis lainnyo adolah etnis pandatang, jo urang Jao sabagai etnis pandatang paliang rami sarato manjadi mayoritas di Kabupaten Tebo.[16]

Pariwisata

[suntiang | suntiang sumber]

Kabupaten Tebo sacaro geografis mampunyoi topografi dataran randah baiklim tropis. Sabagian wilayahnyo marupokan rimbo tropis jo baragam jinih tumbuahan jo binatang sarik cando harimau sumatera, gajah, ruso kijang, palanduak, sarato babarapo jinih buruang. Adopulo tumbuahan cando anggrek jo batang-batang kayu sarupo kulim, tambasu, jo surantiah. Kakayoan alam rimbonyo manjadi dayo pikek untuak wisata alam di kabupaten iko.[17]

Taman Nasional Bukit Tiga Puluh (TNBT)
[suntiang | suntiang sumber]
Pohon mati nan masih tagak di Taman Nasional Bukit Tigapuluh

Taman Nasional Bukit Tiga Puluh (TNBT) adolah utan linduang nan mamanjang di duo provinsi, Riau jo Jambi, nan tadiri ateh kawasan barisan bukik sarato paraliahan antaro utan rawo jo utan pagunuangan nan tapisah-pisah dari rangkaian Bukik Barisan. Laweh taman nasional ko di Tebo mancapai 23.000 Ha. Di dalamnyo ado 59 jinih mamalia, 199 jinih buruang, jo 18 jinih kalalawa. Salain itu, ado 1.500 spesies tumbuahan jo labiah didominasi tumbuahan dari suku DIpterocarpaceae. Adopulo flora sarik cando cindawan muko rimau (Rafflesia hasseltii suringar) nan tumbuah.[18] Adopulo ekosistem sarasah di dalamnyo nan banamo Sarasah Katalo. Di dalam taman nasional ado komunitas Suku Anak Dalam nan bapindah-pindah untuak mancari hasia hutan.[19][20]

Dalam kawasan panyangga TNBT ado juo potensi objek wisata lainnyo cando Sarasah Bulian Berdarah jo Batu Menangis, Sarasah Pancuran Gading, ngalau jo panorama Batang Sumay, makam kiramaik, jo habitat ikan kleso (arwana).[21][22]

Kebun Raya Bukit Sari
[suntiang | suntiang sumber]

Kebun Raya Bukit Sari marupokan utan nan dilinduangi salaweh 435 ha, talatak di Bukit Sari, Desa Teluk Rendah, Kecamatan Tebo Ilir. ± 136 km dari Jambi di tapi labuah gadang Jambi-Muaro Bungo-Muaro Tebo. Kebun raya ko dimiliki basamo juo jo Kabupaten Batanghari. Kebun raya ko dikambangkan untuak manjago tanaman khas Jambi jo habitat buruang. Tanahnyo bagalombang, babukik-bukik curam, sarato balambah nan cukuik dalam. Jinih pohon didominasi dek pohon Plajau, Tenggeris. Surantiah, Jelutung, Kedondong, Kinari jo Tarok. Di lua kawasan iko pangunjuang bisa manikmati mato aia angek jo Sarasah Bukit Karendo jo katinggian 8 meter.[23][24]

Danau Sigombak
[suntiang | suntiang sumber]

Danau Sigombak, talatak di Desa Teluk Jambu, Kecamatan Tebo Ulu, kiro-kiro 30 km dari Kota Muaro Tebo. Laweh danau ko mancapai 40 ha nan dikaliliangi dek utan nan masih rimbun. Di tangah danau ko pulau ketek nan dinamokan Pulau Sigombak. Danau ko tabantuak dari aliran Batang Bulian nan mambantuak lubuak nan kudian dipalaweh sabagai banduangan. Manuruik curito rakyaik satampek, danau ko marupokan tampek mandinyo rajo-rajo.[25][26]

Taman Nasional Bukit Dua Belas
[suntiang | suntiang sumber]

Taman Nasional Bukit Dua Belas marupokan utan linduang nan mambantang di Kabupaten Tebo. Utan ko mampunyoi baragam macam flora jo fauna sarato tampek bamukimnyo Suku Anak Dalam. Kawasan iko marupokan tampek bakambangnyo binatang sarik cando harimau, badak, jo gajah.[27]

Taman Makam Pahlawan Sulthan Thaha Syaifuddin
[suntiang | suntiang sumber]

Taman makam pahlawan Sulthan Thaha Syaifuddin Jambi talatak di pusek kota Muaro Tebo jo laweh komplesnyo 0,5 ha. Makam iko manjadi objek wisata sijarah jo pandidikan. Sulthan Thaha Syaifuddin adolah sultan tarakhia Jambi (katurunan ka-17 Puti Pinang Masak) nan bagala Pangeran Ratu Jayaningrat. Baliau adolah pajuang nan gugua pado taun 1904 di Desa Betung Bedarah katiko malawan Ulando dan kini alah dinyatokan sabagai Pahlawan Nasional RI.[28]

Taman Tanggo Rajo Ujung Tanjung
[suntiang | suntiang sumber]

Taman Tanggo Rajo Ujung Tanjung marupokan namo kawasan patamuan aliran Batang Hari jo Batang Tebo, tapek di pusek Kota Muaro Tebo. Kawasan ko maadok lansuang ka Desa Mangun Jayo jo Pulau Pecinan. Pado maso daulu, ado tanggo rajo di siko dan manjadi tampek balabuahnyo parahu barang jo pangangkuik urang nan kalua masuak Tebo.[29]

Aia Angek Sungai Bengkal
[suntiang | suntiang sumber]

Mato aia angek iko talatak di Sungai Bengkal, Kecamatan Tebo Ilir. Laweh area ko sakitar 50 m2 nan barasa dari paneh bumi jo suhu aianyo antaro 50 - 70°C. Walau alun baitu dikambangkan, panduduak satampek alah mampagunokannyo untuak mandi dan dianggap dapek mancegakkan panyakik.[30]

Rujuakan

[suntiang | suntiang sumber]
  1. ↑ a b "Kabupaten Tebo Dalam Angka 2020". www.tebokab.bps.go.id. Diakses tanggal 23 Mei 2020. 
  2. ↑ a b "Visualisasi Data Kependuduakan - Kementerian Dalam Negeri 2020" (visual). www.dukcapil.kemendagri.go.id. Diakses tanggal 30 Juli 2021. 
  3. ↑ "Rincian Alokasi Dana Alokasi Umum Provinsi/Kabupaten Kota Dalam APBN T.A 2020" (pdf). www.djpk.kemenkeu.go.id. (2020). Diakses tanggal 30 Juli 2021.  [pranala nonaktif permanen]
  4. ↑ "Metode Baru Indeks Pembangunan 2019-2020" (pdf). www.bps.go.id. Diakses tanggal 30 Juli 2021. 
  5. ↑ a b c d e f g Reza, Kevin; Oemar, Kamaruddin; Tugiman (Oktober 2017). "SEJARAH PEMEKARAN KABUPATEN TEBO PROVINSI JAMBI (1999-2015)". Jurnal Online Mahasiswa Bidang Keguruan dan Ilmu Pendidikan FKIP Universitas Riau. 4 (2). 
  6. ↑ a b c d Diskominfo Kab. Tebo. "Bupati Tebo Dari Masa ke masa". tebokab.go.id. Pemerintah Kabupaten Tebo. Diarsipkan dari versi asli tanggal 2019-07-19. Diakses tanggal 19-07-2019. 
  7. ↑ "Para Bupati Yang Pernah Memimpin Kab. Tebo, Prov. Jambi" (dalam bahasa Indonesia). Diakses tanggal 2019-07-19. 
  8. ↑ "Haviz Husaini Jadi Pejabat Bupati Tebo". Tribun Jambi (dalam bahasa Indonesia). Diakses tanggal 2019-07-19. 
  9. ↑ "MK Putuskan Sukandar-Hamdi Menang Pemilu Ulang Tebo". Tribunnews.com (dalam bahasa Indonesia). Diakses tanggal 2019-07-19. 
  10. ↑ Agency, ANTARA News. "Agus Sunaryo jabat Pj bupati Tebo - ANTARA News Jambi". Antara News. Diakses tanggal 2019-07-19. 
  11. ↑ Bermultimedia.com. "Hari ini, KPU Tebo Tetapkan Sukandar-Syahlan Sebagai Pemenang Pilkada Tebo - Jambiupdate.co | Berita Jambi Paling Update". JAMBIUPDATE.CO (dalam bahasa Inggris). Diakses tanggal 2019-07-19. 
  12. ↑ "Perolehan Kursi DPRD Kabupaten Tebo Periode 2014-2019". Diarsipkan dari versi asli tanggal 2022-09-11. Diakses tanggal 2021-07-19. 
  13. ↑ Perolehan Kursi DPRD Kabupaten Tebo 2019-2024
  14. ↑ "Badan Pusat Statistik Kabupaten Tebo". tebokab.bps.go.id. Diakses tanggal 2021-08-12. 
  15. ↑ "Badan Pusat Statistik". jambi.bps.go.id. Diakses tanggal 2021-08-12. 
  16. ↑ Jambiekspres.co.id. "Kukuhkan Paguyuban Wisnu Murti Tebo, Bupati Sukandar Berharap Budaya Jawa Bisa Terus Lestari - Berita Jambi Ekspres". JAMBIEKSPRES.CO.ID (dalam bahasa Inggris). Diarsipkan dari versi asli tanggal 2021-08-12. Diakses tanggal 2021-08-12. 
  17. ↑ "Wisata". Website Resmi Pemerintah Kabupaten Tebo (dalam bahasa Inggris). Diakses tanggal 2021-08-06. 
  18. ↑ KSDAE, Datin. "Mekarnya Cendawan Muka Rimau - Ditjen Konservasi Sumber Daya Alam dan Ekosistem". ksdae.menlhk.go.id. Diakses tanggal 2021-08-06. 
  19. ↑ KSDAE, Datin. "Taman Nasional Bukit Tigapuluh Tidak Berdiam Diri..... - Ditjen Konservasi Sumber Daya Alam dan Ekosistem". ksdae.menlhk.go.id. Diakses tanggal 2021-08-06. 
  20. ↑ "TN Bukit Tigapuluh: Habitat Gajah Terus Terhimpit Ekspansi Tambang dan Sawit". Mongabay.co.id (dalam bahasa Inggris). 2012-08-16. Diakses tanggal 2021-08-06. 
  21. ↑ Nurdawati, Syarifah; Muflikhah, Niam; Sunarno, Mas Tri Djoko (2017-02-16). "SUMBER DAYA PERIKANAN PERAIRAN SUNGAI BATANG HARI JAMBI". BAWAL Widya Riset Perikanan Tangkap (dalam bahasa Indonesia). 1 (1): 1–9. doi:10.15578/bawal.1.1.2006.1-9. ISSN 2502-6410. Diarsipkan dari versi asli tanggal 2021-08-06. Diakses tanggal 2021-08-06. 
  22. ↑ Dharyati, E. (2008). Penelitian Sumberdaya Ikan Hias dan Lingkungan di Hulu Sungai Batanghari, Jambi Archived 2021-02-26 di Wayback Machine.. In Prosiding Seminar Nasional lkan V (pp. 83-94).
  23. ↑ "Pesona Kebon Raya Bukit Sari". Destinasi Travel Indonesia (dalam bahasa Indonesia). 2020-11-13. Diakses tanggal 2021-08-06. 
  24. ↑ "Wow, Ternyata Taman Bukit Sari Jambi Lebih Luas dari Kebun Raya". Tribun Jambi (dalam bahasa Indonesia). Diakses tanggal 2021-08-06. 
  25. ↑ TB, Clary (2019-09-10). "Danau Sigombak, Danau Toba Mini yang Cantik" (dalam bahasa Inggris). Diarsipkan dari versi asli tanggal 2021-08-06. Diakses tanggal 2021-08-06. 
  26. ↑ "Anak Jambi Wajib Wisata ke Danau Sigombak Kabupaten Tebo, Jernih Airnya Manjakan Mata". Tribun Jambi (dalam bahasa Indonesia). Diakses tanggal 2021-08-06. 
  27. ↑ "Taman Nasional Bukit Dua Belas - Surga Orang Rimba". RimbaKita.com (dalam bahasa Indonesia). 2021-01-02. Diakses tanggal 2021-08-06. 
  28. ↑ "Makam Pahlawan Nasional, Sultan Thaha Syaifuddin, Tebo, Jambi". detikTravel (dalam bahasa Indonesia). Diakses tanggal 2021-08-06. 
  29. ↑ "Website Resmi Pemerintah Kabupaten Tebo". Website Resmi Pemerintah Kabupaten Tebo (dalam bahasa Inggris). Diakses tanggal 2021-08-06. 
  30. ↑ Metrojambi.com. "Akses ke Lokasi Air Panas di Tebo Diprioritaskan - Metrojambi.com | Berita Jambi Digital". METROJAMBI.COM (dalam bahasa Indonesia). Diakses tanggal 2021-08-06. 

Pautan lua

[suntiang | suntiang sumber]
Diambiak dari "https://min.wikipedia.org/w/index.php?title=Kabupaten_Tebo&oldid=3154630"