Isa
| Namo dalam bahaso usali | (ar) عيسى ابن مريم  | ||
|---|---|---|---|
| Biografi | |||
| Lahia | Kerajaan Herodes (id)  | ||
| Kamatian | indak ado nilai indak ado nilai | ||
← Yahya (id) – Muhammad in Islam (en) → | |||
| Data pribadi | |||
| Agamo | Islam | ||
| Kagiatan | |||
| Karajo | Pengkhotbah (id) jo Misionaris (id) | ||
| Kaluarga | |||
| Mande | Maryam (id) | ||
Isa (bahaso Arab: عيسى, `Īsā; Essa; sakitar 1 - 32M) adolah nabi pantiang dalam agamo Islam dan marupokan salah satu dari Ulul Azmi. Dalam Al-Qur'an, liau disabuik Isa bin Maryam atau Isa al-Masih. Liau diangkek manjadi nabi pado tahun 29 M dan manjalankan dakwah kapado Bani Israil di Palestina.
Namonyo tasabuikan sabanyak 25 kali di dalam Al-Quran. Carito tantang Isa kudian balanjuik jo diangkeknyo sabagai utusan Allah, panulakan dek Bani Israil dan barakhia jo diangkek dirinyo ka sarugo.
Etimologi
[suntiang | suntiang sumber]Kato Isa ko dipakirokan barasa dari bahaso Aram, Eesho atau Eesaa. Yesus Kristus adolah namo nan umum digunoan umaik Kristen untuak manyabuiknyo, sadangkan urang Kristen Arab manyabuiknyo jo Yasu' al-Masih (bahaso Arab: يسوع المسيح).
Kudian, liau diyakini mandapekan gala dari Allah jo sebutan Ruhullah jo Kalimatullah. Karano Isa tacipta jo kalimaik Allah "Jadilah!", mako taciptalah Isa, sadangkan gala ruhullah aratinyo ruh dari Allah karano Isa langsuang diciptakan Allah jo maambuihan ruh ka dalam rahim Maryam binti Imran.
