Pāniora

Ko Pāniora, arā te Kīngitanga o Pāniora (reo Pāniora: Reino de España), tētahi whenua e whakakapi ana i te nuinga o te kuiti o Iberia ki te tonga rāwhiti o Ūropi.

Reino de España Kīngitanga o Pāniora
Pīwari Tohu
Pepeha: Plus Ultra
Ngaringari: Marcha Real
Tāone matua (me te tāone nui)	Madrid
Pae: 40°26′N 3°42′W / 40.433, -3.7
Reo whaimana	reo Pāniora
Kāwanatanga
• Āhua	Kīngitanga
• Kīngi	Felipe VI
• Kaihautū	Pedro Sánchez Pérez-Castejón
Whakatūranga	Rautau 15
Mema o te EU	Kohi-tātea 1 1986
Rahi
• Katoa	504,030 km² (51) 195,364 sq mi
• Wai (%)	1.04
Taupori
• 2018 tau tata	47,007,367 (29)
• Kiato	92.91/km² (112) 238/sq mi
GDP (PPP)	2006 tau tata
• Katoa	$1.261 miriona miriona miriona (11)
• Mā ia tangata	$27,950 (2005) (27)
GDP (tautapa)	2006 tau tata
• te katoa	$1.224 miriona miriona miriona (9)
• mā ia tangata	$27,767 (2006) (26)
HDI  (2004)	0.938 (nui) (19)
Moni	Euro (€) (EUR)
Wāhiwā	CET (UTC+1)
• Raumati (DST)	CEST (UTC+2)
Tohu ipurangi	.es
Tohu waea	+34

E whirinaki ana a Pāniora (mai te raki, me te matawā) ki te Whanga Biscaya, Wīwī, Andorra, te Moana Rōwhenua, te whenua Ingarihi o Kāmaka, Potukara me te Moana Ranatiki. Nōna hoki ngā Moutere Baleares ki te Moana Rōwhenua, ngā Moutere Canarias ki te Moana Ranatiki, me ngā tāone tūwaho e rua ki te raki o Awherika a Ceuta me Melilla e whirinaki ana ki Moroko. Whaihoki ēnei takiwā katoa e 504,645 km² tōna rahinga whenua (^t4 ki Ūropi i mua i a Rūhia, Ūkareinga me Wīwī), ā, nō tōna teitei wawaenga e 650m o runga i te pae moana koia te whenua maunga tuarua ki Ūropu (whai muri i Huiterangi).

He tahatahi rawa te toha o ōna kainoho e 46 miriona nō te mea, atu i te ūpokonga a Madrid i te pokapū o te kuiti, noho ai te nuinga o ngā tāngata ki ngā takutai maha. Ko te reo Pāniora te reo whaimana o te whenua katoa, ā, he maha ngā reo ā-rohe kua tapaina hei reo taurite e ngā kaiwhakahaere kāinga, whaihoki te reo Catalonia, te reo Pākihi, te reo o Galicia me te Aranese. Koia te whenua pōwhiri manene tuatahi o Ūropi me ōna kainoho whakawhānau tāwāhi e 4.5 miriona.

Kua oti tōna tauwhiro mai te mana whakatuanui ki te manapori i tōna tuhiture o te tau 1987; ināianei he arikitanga manapori pāremata tūtahi. He mema o te Kotahitanga o Ūropi, ā, he mea whakahirahira hoki ki a ia tōna whanaungatanga ki te hapori o Amerika-ki-te-tonga, arā, ngā whenua kōrero reo Pāniora, i raro i te maru Pāniora rānei i ngā wā o mua. He whenua whanake; nōna te ōhanga tuawaru o te ao.