Pio X

I Pio X dia papa faha-257 ao amin' ny Eglizy Katôlika nanomboka tamin' ny 4 Aogositra 1903 mandra-pahafatiny. Atao hoe Pius X, izy amin' ny teny latina ary Pio X amin' ny teny italiana. I Giuseppe Melchiorre Sarto no anarany talohan' ny naha papa azy. Injeniera italiana, teraka tamin' ny 2 Jona 1835 tao Riese tao Veneto izy ary maty tamin' ny 20 Aogositra 1914 tao Rôma. I Veneto tamin' izay, izay atao amin' ny teny frantsay hoe Venetie, dia tao amin' ny Fanjakan' i Lômbardia-Venetia, izay atao hoe Riese Pio X, ao amin ' ny Faritanin' i Treviso ankehitriny.

Nisongadina tamin' ny fitondrany ny fanoherany tanteraka ny môdernisma, ary nisongadina koa ny fanavaozana ara-pivavahana, indrindra ny amin' ny fandraisana ny Eokaristia isan' andro na ny fampihenana ny taona fara-fahakeliny amin' ny fandraisana ny kômonio voalohany.

Nasandratra ho olon-tsambatra izy tamin' ny 3 jona 1951, ary ho olo-masina tamin' ny 29 mey 1954, ka lasa "Md Pio X" ho an' ny Katôlika. Ny fetiny litorjika dia noraiketina tamin' ny taona 1955 ka atao isaky ny 3 Septambra, avy eo isaky ny 21 Aogositra nanpomboka tamin' ny taona 1969.