Salamo faha-91

Ny Salamo faha-91 dia salamo ao amin' ny Bokin' ny Salamo ao amin' ny Baiboly. Tafiditra ao amin' ny fizaràna atao hoe "boky fahefetra" (Sal. 90 -106) ity salamo ity. Ny Salamo faha-90 no eo alohany ary ny faha-92 no manaraka azy.

¹Izay mialoka eo ambany fiarovan'ny Avo-Indrindra,

miala sasatra eo amin'ny aloky ny Tsitoha.

      ²Hoy aho amin'ny Tompo: Hianao no trano mimandako sy fialofako.

Andriamanitro izay itokiako.

      ³Fa izy no manafaka anao amin'ny fandriky ny mpihaza,

sy ny pesta mandoza.

      ⁴Hanarona anao amin'ny elany izy,

ary hahita fialofana ao ambany volon'elany, hianao.

Ampinga sy fiarovan-tratra ny fahamarinany.

      ⁵Tsy misy hatahoranao, na ny fampitahorana amin'ny alina,

na ny zana-tsipìka manidina amin'ny antoandro,

      ⁶na ny pesta misoko anatin'ny aizina,

na ny areti-mifindra, mandripaka amin'ny mitatao vovonana.

      ⁷Na misy arivo lavo eo anilanao aza,

sy iray alina eo ankavananao,

hianao tsy mba ho tratra.

      ⁸Hijery maso fotsiny hianao,

ka hahita ny valy hanjo ny ratsy fanahy.

      ⁹Fa hianao efa nilaza hoe: Fiarovana ahy hianao, ry Iaveh!

Nanao ny Avo Indrindra ho fialofanao hianao.

      ¹⁰Ny fahoriana tsy hihatra aminao,

tsy hisy loza hanakaiky izay lainao akory.

      ¹¹Fa izy handidy ireo anjeliny, ny aminao,

mba hiambina anao amin'izay alehanao rehetra:

      ¹²ka hivimbina anao eny an-tànany ireo,

fandrao tafintohina amin'ny vato ny tongotrao.

      ¹³Hanitsakitsaka ny liona sy ny aspika hianao,

hanosihosy ny liona tanora mbamin'ny dragona hianao.

      ¹⁴Hanafaka azy aho, fa niraiki-po tamiko izy;

hiaro azy aho, fa mahalala ny anarako izy.

      ¹⁵Hiantso ahy izy, ary hamaly azy aho;

homba azy amin'ny andron'ny fahoriana aho.

Hanafaka sy hanome voninahitra azy aho.

      ¹⁶Hovokisako andro lava izy,

ary hanehoako ny famonjeko.

• Boky voalohany: Sal. 1 - 2 - 3 - 4 - 5 - 6 - 7 - 8 - 9 - 10 - 11 - 12 - 13 - 14 - 15 - 16 - 17 - 18 - 19 - 20 - 21 - 22 - 23 - 24 - 25 - 26 - 27 - 28 - 29 - 30 - 31 - 32 - 33 - 34 - 35 - 36 - 37 - 38 - 39 - 40 - 41.

• Boky faharoa: Sal. 42 - 43 - 44 - 45 - 46 - 47 - 48 - 49 - 50 - 51 - 52 - 53 - 54 - 55 - 56 - 57 - 58 - 59 - 60 - 61 - 62 - 63 - 64 - 65 - 66 - 67 - 68 - 69 - 70 - 71 - 72.
• Boky fahatelo: Sal. 73 - 74 - 75 - 76 - 77 - 78 - 79 - 80 - 81 - 82 - 83 - 84 - 85 - 86 - 87 - 89.
• Boky fahefatra: Sal. 90 - 91 - 92 - 93 - 94 - 95 - 96 - 97 - 98 - 99 - 100 - 101 - 102 - 103 - 104 - 105 - 106.
• Boky fahadimy: Sal. 107 108 - 109 - 110 - 111 - 112 - 113 - 114 - 115 - 116 - 117 - 118 - 119 - 120 - 121 - 122 - 123 - 124 - 125 - 126 - 127 - 128 - 129 - 130 - 131 - 132 - 133 - 134 - 135 - 136 - 137 - 138 - 139 - 140 - 141 - 142 - 143 - 144 - 145 - 146 - 149 - 150.

• Salamo apôkrifa: Salamo faha-151 - Salamo faha-152 hatramin' ny faha-155.