Halal
Ny hoe halal dia teny arabo (حلال / ḥalāl) midika hoe "azo atao". Ao amin' ny Kor'any, ny teny hoe halal dia mifanohitra amin' ny hoe haram ("voarara"). Ity fifanoheran-droa ity dia novolavolaina ka lasa fanasokajiana saro-drafitra kokoa izay fantatra amin' ny anarana hoe "fanapahan-kevitra dimy": "tsy maintsy atao", "anafarana", "tsy miandany", "mety manafintohina" ary "voarara". Tsy mitovy hevitra ny mpahay lalàna silamo raha mahafaoka ny roa voalohany na ny efatra voalohany amin' ireo sokajy ireo ny teny hoe halal. Tato ho ato, ny hetsika islamika mikendry ny hanentanana ny vahoaka sy ny mpanoratra manoratra ho an' ny daholobe, dia nanantitrantitra ny fanavahana ny halal sy ny haram izay tsotra kokoa.
Ny teny hoe halal dia mifandray manokana amin' ny lalàna silamo momba ny sakafo ary indrindra ny hena voakarakara sy voaomana araka ireo fepetra ireo.