Emeralda
Ny emeralda na emeraoda dia mineraly, ao amin' ny vondrona silikata, zana-bondrona siklôsilikata, karazana mineraly berila (Be3Al2(SiO3)6), izay miloko maitso vokatry ny fisian' ny krôma sy vanadiôma ary indraindray ny vy. Ny emeraoda, miaraka amin' ny diamondra, ny safira ary ny vatomena (na robisy), dia iray amin' ny vatosoa efatra mahafeno fepetra ho vato saro-bidy. Ny berila dia manana hamafy 7,5 hatramin' ny 8 amin' ny maridrefin' i Mohs. Ny ankabeazan' ny emeraoda dia misy akora maro avy ivelany nefa voafadrika ao anatiny mandritra ny fiforonan' ilay vatosoa, noho izany dia sokajina ho mahantra amin' ny ankapobeny ny fahatoherany fahavakisana.