Raisa

Galat skrip: tidak ada modul tersebut "Infobox Wikidata".

Raisa Andriana otabâ se èkennal Raisa (Madhurâ: ꦫꦲꦶꦱ) (lahèr 6 Junè taon1990) iyâ arèya tokang nyanyè, tokang nyèrrat lagu, bân artis binè’ Inḍonèsia.

Bhâkat anyanyè Raisa sajjhek ghi’ kènè’ omor 3 taon. Raisa serrèng tampil ḍhâ-kènḍha kadhi penyanyè ongghuwân è attas pangghung^[1] Musikalitas Raisa bânnya’ ollè inspirasi ḍâri musisi bhângsa Amerika Serikat kadhi Brian McKnight, Alicia Keys, bân Joss Stone.

È awwâl karèr nalèka anyanyè, Raisa sempat èkondhâng composer atas nyama David Foster untuk tampil è Jakarta.^[1] Pada 2008, Raisa pernah dhâddhi  vokalis band se è bentuk Kevin Aprilio, Andante,^[1] sè aropaaghi dhâsar manjhenga band Vierratale.

Raisa bânnya’ anyanyè regular è kafè-kafè musik. ḍâri kasempatân anyanyè è kafè-kafè rowa Raisa ollè bânnya’ kasempatân dâlem karier amosik.^[2]

Raisa molaè èkennal saampon arilis album solona sè ajudul Serba Salah. Karana kotara, Raisa èonjhâng dhâddhi bintang tokang ngèssèeh acara dâlem event Java Jazz Festival 2011. Performa Raisa è pangghung Java Jazz Festival rowa atambhâh sukses karierrâ sampè’ ollè penghargaan è Anugerah Musik Indonesia 2012  dhâddhi pendatang anyar sè terbaik.^[2]

È 2011, album eponim debuttâ ajudul Raisa è produksi bân èrilis sarèng Solid Records bân Universal Musik Indonesia. Produserr album rowa 3 musik ngodâ Inḍonèsia panèka Asta Andoko (RAN), Sarta Ramadhan Handy bân Andrianto Ario Seto (Soulvibe) Nanda Oka bân Asta Andoko dhâddhi Executive Producer dâlem album kasebbhut.^[2]

È 2012, Raisa ollè penghargaan Anugerah Planet Muzik 2012 dhâddhi Best New Female Artist.^[3]

È 27 nopèmber 2013, Raisa arilis album sè kapeng duwâ’na Heart to Heart^[4] è Soehana Hall, Gedung Energy, Jakarta laok. Album kasebbhut èssè 9 laghu, Bersinar, Hari Bahagia, Pemeran Utama, Teka-teki, Let Me be (I Do), Katakan!, LDR,Bye-bye bân Mantan Terindah marè è rilis mènangka Single sè kapeng settong bân kapeng duwâ’, aorot ḍâri album Heart to Heart rèya^[4]. Raisa aberri’ pessen sè jellas ka media bahwa Raisa “bânnè tokng nyanyè Aji mumpung” polana karjâ mosèk bân kamampoan vokalla “lebbi massa’ ḍâri album sabelluma”.^[4] Salaèn pabheddhâllâ album kasebbhut, Raisa mabâdâ  Konser Showcase album Heart to Heart secara khosos ḍâ’ media/wartawan bân 300 orèng Your Raisa (sebbhutan dhâ’ pangagumma Raisa) sè kapèlè lèbât Pre-order Box Set Raisa^[5] è Wayback Machine. Konser kasebbhut è ghellâr sareng roang sè “nyennengngaghi” sareng tema “gembira versi Raisa”^[4].

È 2014, Raisa èdhudhing dhâddhi juri è ajhang panyarèan bhâkat televisi Indonesian Idol Season 8 otabâ Indonesian Idol 2014. È awwâl Raisa coma dhâddhi juri audisi umum è kotta Jogjakarta, tapè polana formasi juri tak ghenna’ è bâkto siaran langsung, Raisa è soro aghântè’è juri sè tadek^[6].

È Fèbruari 2015, produsen filem animasi sè palèng rajâ è dhunnya Walt Disney Picture nyoro Raisa anyanye laghu soundtrack è filem anyarra Disney, Cinderella, sè judullâ A Dream is a Wish Your Heart Makes versi bhâsa Inḍonèsia sè judullâ “Mimpi adalah Harapan Hati”.[3].  Filem kasebbhut èbintangngè Cate Blanchett.

È Mèi 2015, Raisa aghâbây konser solo sè ḍâ’aḍâ’na è Istora Senayan, Jakarta, Antusiasme sè tèngghi ḍâri panggemmarra sampè promoter Juni Concert è bâkto rowa èbhânto Dyodra Promosindo alanjuttaghi konser solo sè kapèng ḍuwâ’ è DBL Arena Surabaya. Konser solo sè dhâ’adhâ’na ngala’ tema Pemeran Utam, sè sukses è sala settongnga Singlela Raisa.

Saamponna Raisa vakum è 2018 polana arembi’ pottra pertamana, ahèrra è taon 2019, Raisa makaloar single anyarra sè ajudul “Kembali” bân “You”. Namong, Raisa bhâdhi mabâḍâ’e konser è taon 2020.

Konser sè ajudul Raisa: Live in Concert bhâdhi ègellarra è stadion Utama Gelora Bung Karno, Jakarta Pusat, è tangghâl 27 junè 2020.

Sabellun ahèrra motossaghi mabâḍâ’â konserra è stadion utama Gelora Bung Karno. Raisa ella nyèbâ (booking) venue è tempat laèn, namong Raisa ngabâlâ “misalla mèmpèna abâ’na tak matako’, artèna mèmpèna korang rajâ”. Ahèrra Raisa mabâḍâ konserra è stadion utama Gelora Bung Karno saampona moang ego, demmi nyèptaè masa depan sè langkong bhâghus è industry musik.

Raisa apendapat bahwa konserra bânnè ajang pamèr, namong tojjhuwânna morni maklè paḍâ nyetak sajhârâ musisi binè’ pertama sè mabâḍâ konser è stadion utama Gelora Bung Karno bân sala settongnga contoh nyata ḍâri emansipasi bâbinè’.^[7]

1. ↑ ^{1,0 1,1 1,2} [1]"Raisa Adriana". èarsippaghi ḍâri versi asli tangghâl 2023-04-08.
2. ↑ ^{2,0 2,1 2,2} "Java Jazz Festival 2014" Èarsippaghi ḍâri versi asli Èaksès tangghâl 2023-04-08.
3. ↑ "Kapotosan sè mennang Anugerah Planet Muzik 2012". Èarsippaghi ḍâri versi asli Èakses tangghâl 2023-04-08.
4. ↑ ^{4,0 4,1 4,2 4,3} "Raisa Album Lauching Heart to Heart". Èaksès tangghâl 2023-04-08.
5. ↑ "Raisa" Èarsippaghi [2]
6. ↑ "Dhani Cemburu Virzha Menatap Raisa Eh Raisa Malah Puji Husein Ganteng Diarsipkan 2023-04-11 di Wayback Machine. . Èaksès tangghâl 2023-04-08.
7. ↑ "Raisa Siap Jadi Wanita Pertama Yang Gelar Konser di SUGBK"Kumparan. È Akses Tangghâl 23-09-10.