Akabin ghi' kana'

Akabin ghi’ kana’ iyâ arèya akabin formal otabâ informal sè sala settong otabâ kaduwâna korang ḍâri omor 19 taon. Biyasana akabin ghi’ kana’ terjadi ḍâ’ na’-kana’ binè’ bân orèng lakè’ sè dhibâsa.^[1] Neng Pasal 7 ayât (2) bân ayât (3) Undang-Undang Nomer 16 Taon 2019 tentang perubahan Undang-Undang Nomer 1 Taon 1974 tentang Kabinan (UU Kabinan) bân Pasal 1 ayât (1) Undang-Undang Nomor 23 Taon 2022^[2] tentang Perlindungan Ana’ (UUPA) sè èghughât ḍâ’ Mahkamah Konstitusi, bâḍâ bâtessân omor ana’ iyâ arèya 19 taon. Kalabhân sapanèka, na’-kana’ ta’ bisa aberri’ persetujuan, saèngghâ akabin ghi’ kana’ èangghep nyalaè atoran kabinan sè kodhu bâḍâ persetujuan sacara sadar ḍâri kaduwâna. Wilaya kalabhân prevalensi akabhin ghi’ kana’ palèng tegghi iyâ arèya Afrika Bârâ’ bân Afrika Sub-Sahara, samantara jumla kasus akabin ghi’ kana’ palèng bânnya’ iyâ arèya è Asia Lao’. Kasus akabin ghi’ kana’ è Inḍonèsia bâḍâ èondhâghân ka pètto’ è Dhunnya sabânnya’ 1.220.900 kasus. Jhâbâ Bârâ’ palèng tegghi sabânnya’ 273.300 kasus akabin ghi’ kana’ neng taon 2015.

Akabin ghi’ kana’ biyasana ollèna jhudhuân ḍâri orèng towa kalabhân alasân ekonomi. Mètorot data, na’-kana’ binè’ ḍâri kaluarga mèskèn duwâ’ kale lebbi rajâ ngalamè akabin ghi’ kana’. Angghepna masyarakat sè lebbi mementingkan kaparabânan orèng binè’ bân ngangghep orèng binè’ ngalamè bâkto reproduksi sè lebbi pandâ’ ḍâri orèng lakè’ jhughâ orèng binè’ ta’ bisa alako kaangghuy ngaollè pangasèlân asabâbaghi kasus akabin ghi’ kana’ è pan-brâmpan daèra ta’ bisa èpaèlang.

Penenelitian menunjukkan jhâ’ pendidikan seksual sè komprehensif bisa abânto nyegghâ akabin ghi’ kana’.^[3] Ngorangè akabin ghi’ kana’ è naghârâ-naghâra berkembang sè bhuto pendidighân bân pangoathân masyarakat è daèra dhisa. Na’-kana’ binè’ bisa abberri’ kapotosân kaangghuy akabin bân odi’ lebbi samporna kalabân pendidighân. Program pembangunan è daèra dhisa akanta arabât aèng, kasèhathân, bân sanitasi bisa abânto pangasèllana kalurga bân masakonni’ angka akabin ghi’kana’, saèngghâ pendidighân bân pembangunan dhisa bisa amotos siklus kamèskènan bân akabin ghi’ kana’.

1. ↑ Parsons, Jennifer; Edmeades, Jeffrey; Kes, Aslihan; Petroni, Suzanne; Sexton, Maggie; Wodon, Quentin (2015-07-03). "Economic Impacts of Child Marriage: A Review of the Literature". The Review of Faith & International Affairs. 13 (3): 12–22. doi:10.1080/15570274.2015.1075757. ISSN 1557-0274.
2. ↑ Pujianti, Sri. "Menuntut Persamaan Batas Usia Perkawinan dalam Dua Undang-Undang | Mahkamah Konstitusi Republik Indonesia". mkri.id. 2023-09-13. Aksès 2024-08-25.
3. ↑ International technical guidance on sexuality education : an evidence-informed approach. Unesco (edisi ke-2nd revised ed). Paris: UNESCO. 2018. ISBN 978-92-3-100259-5. OCLC 1371618774.