Wollemia nobilis
|
Quell articol qì l'è scrivud in Lombard, cond l'ortografia Scriver Lombard. |
| Wollemia Fossil range: Modell:Rango fósil | ||||||||||||||
|---|---|---|---|---|---|---|---|---|---|---|---|---|---|---|
 Campion joven int el jardin Botáneg Nazional de Australia (ANBG) en Camberra
| ||||||||||||||
| Stat de conservazion | ||||||||||||||
| Classifigazion sientífiga | ||||||||||||||
| ||||||||||||||
| Nomm binomial | ||||||||||||||
| Wollemia nobilis W.G.Jones, K.D.Hill & J.M.Allen |
Wollemia l'è un jener de conifera de la familia dei Araucariaceae. Wollemia l'era conossida doma col record fossil prima del 1994, quand la australiana Wollemia nobilis l'è staita descovrida ind una foresta pluvial ind el Wollemi National Park del New South Wales, ind una val a 150 kilometer nord-ovest de Sydney.
In ingles, ol nom popolar de la pianta l'è diventad Wollemi Pine, leteralment "pin del Wollemi". L'è mìa una pianta de la familia dei pagere (coniferae) ma i en tœte e do ind la stessa clas dei (Pinaceae). I parents plu streit del Pin Wollemi i en i piante de la familia dei Araucariaceae, compagn dei speci del jener Agathis e Araucaria. Ol fossil plu veit del jener Wollemia al g'ha plu de 200 milion de agn.[1]
La pagera Wollemi l'è classifegada come Critigament in pericol (CR - D) da la International Union for Conservation of Nature de la Red List 2002,[2] e l'è una pianta protejida in Australia.[3] L'è dré a partir un projet per mantegnir qesta spece a long termen.[3]
Descrizion
[Modifega | modifica 'l sorgent]
La Wollemia nobilis l'è una pianta semperverda qe la pœl vesser volta infina a 25–40 m. La rœsca l'è particolar, negra scura e rognosa, tant qe vergun al dix qe la sœmea i cereai per la colazion Coco Pops.[4]. La ramificazion l'è unega perqè quase tœts i ram in banda a la bora i se ramifega. Dopo una qualq agn, tœts i ram o i g'ha una pigna (mas-c o femina) o i desmet de cresser. Dopo, quand qe i pigne i vegn marude, i ram i mœr. Ramelì nœv i bœta dai bœts dorments de la bora. L'è possibel qe i ram i cresse in vertical e i dages origen a ram segondare, ma al suced de rar.
I foie i en streite, piate. I vegn longe 3–8 cm e large 2–5 mm. Quand qe i foie i en marude, i passa dal verd ciar a un color plu vixin al jald.[5] I pigne i en verde, longe 6–12 cm e col diameter de 5–10 cm. I maruda in 18-20 mes dopo l'impolinazion faita dal vent. Quand qe i en marude i se desfa e i lassa indar i arme, qe i en picinine e maron, e qe i g'ha una aleta per sfrœtar ol vent ind la spantegazion.
I pigne mas-c i g'ha forma conega streita e i en longe 5–11 cm. I g'ha un color ros-maron.[3]
Qesta pianta la ge met un monton de temp per cresser [3] e i piante veige i g'ha hid una vita longa, tant qe una qualq esemplar qe al g'è al dé de incœ al Wollemy National Park i g'ha tra i 500 e i 1000 agn.[5]
Descoverta
[Modifega | modifica 'l sorgent]
La pianta l'è staita descoverta ol 10 Setember del 1994, quand qe David Noble, una guardia forestal del Wollemi National Park a Blackheath, ind i Blue Mountains, l'è indait a far un gir ind una val frequentada poc de spes. Grazie a la so cultura botanega, al s'è rendid cunt qe in quela val al g'era dei piante strane qe i meritava de vesser studiade. Ritornad a baita con dei toc de pianta, Noble l'ha capid qe l'era una spece nœva a la çenza.[6] La spece l'è staita batezada in onor de lu.[7] Stude seguents i g'hiva ol obietiv de capir a qual famea de conifere l'apartegniva questa spece nœva. Defat, infina dal prencepe l'era ciar qe la pianta la g'hiva dei carater conossids doma ind i fossil dei Araucariaceae de 200 milion de agn fa, e qe la sœmeava mìa ai piante dei uneg do jener vivents infina a alora conossids, Agathis e Araucaria, e donca i l'han colocada ind un jener tœt per lé, Wollemia. Al g'è però de dir qe i en stait trovads in Australia, Nœva Zelanda e Antartide dei fossil qe i g'han i carater de la Wollemia. La Wollemia nobilis però l'è l'unega spece viventa del jener. Ol fossil plu joven del jener al g'ha 2 milion de agn.[8] Se pœl dir donca qe la pagera Wollemi l'è un fossil vivent.
Se sa qe ind ol so ambient, tri localitaa vixine del Wollemi Park, l'è restad gnanc 100 esemplar, però mè dir qe l'è dura cuntar-i perqè i fan un sac de bœts a tera qe i sœmea piante nœve. Test jeneteg i han demostrad qe i piante i g'ha ol stes patrimone jeneteg. Quest al fa pensar qe la spece l'è dré a passar ind un col de botilia perqè ol nœmer dei esemplar l'è incé streit (adiritura se pensa un o do individov) qe la diversitaa jenetega la s'è perdida.
Ind ol november 2005, a se è trovad dei piante infetade dal Phytophthora cinnamomi.[9] I guardie forestai del New South Wales i pensa qe questa mœfa water mould l'è staita introduxida da visitador mìa autorizads ind el sit indov qe i cres i pagere Wollemi, anca se la so posizion i la sa nessun.[9]
Coltivazion
[Modifega | modifica 'l sorgent]
Al g'è un programa per reproduxer la pianta per i jardin botaneg, partid prima de tœt in Australia ind el 2006 e dopo indat inants in tœt ol mond. I stœde ex situ i ha permetid de capir come se pœl coltivar la pianta. L'è vegnid fo' ciar qe, anca se l'è orijinaria de un lœg plutost cold e umed, la pœl soportar senza hir-ge problema i temperadure tra i -5°C e 45°C, e la pœl campar infina ai -12°C. La sta ben anca in sol pien e in ombra piena. Come tante oltre piante australiane, la Wollemia la vegn tacada da la Phytophthora cinnamomi. L'è anca per quel qe al convegn mìa dovrar-la per coltivazion industriai de legna.[10]
Riferiments
[Modifega | modifica 'l sorgent]- ↑ Fact Sheet: Wollemi Pine
- ↑ IUCN Red List (April, 2003) http://www.redlist.org
- ↑ 3,0 3,1 3,2 3,3 NSW National Parks and Wildlife Service (1998) Wollemi Pine (Wollemia nobilis) Recovery Plan. NPWS, Sydney. Available at: http://www.nationalparks.nsw.gov.au/npws.nsf/Content/Home
- ↑ James Woodford, The Wollemi Pine: The incredible discovery of a living fossil from the age of the dinosaurs, (Revised Edition), The Text Publishing Company, 2002, ISBN 1-876485-74-4Modell:Pn
- ↑ 5,0 5,1 wollemi pine/facts & figures. Royal Botanic Gardens, Sydney (April 2003). - via ARKive
- ↑ The Wollemi Pine — a very rare discovery. Royal Botanic Gardens, Sydney. Archived from the original on 2005-03-23. Recuveraa el 2007-02-08.
- ↑ Thornhill, Andrew. Growing Native Plants: Wollemia nobilis. Australian National Botanic Gardens.
- ↑ Wollemi Pine research — Age & Ancestry. Royal Botanic Gardens, Sydney. Archived from the original on 2005-03-23. Recuveraa el 2007-03-01.
- ↑ 9,0 9,1 Salleh, Anna (4 November 2005). "Wollemi pine infected by fungus", ABC.
- ↑ Wollemi Pine research — fungal associations & pathogens. Royal Botanic Gardens, Sydney. Archived from the original on 2005-05-01. Recuveraa el 2007-02-08.
Collegaments
[Modifega | modifica 'l sorgent]- Conifer Specialist Group (1998). Wollemia nobilis. 2006 Lista Rósa de le spéci menasàde IUCN]]. IUCN 2006. Consültàt ai 11 May 2006. Listed as Critically Endangered (CR D v2.3)
- The Wollemi Pine — a very rare discovery. Royal Botanic Gardens, Sydney. Archived from the original on 2005-03-23. Recuveraa el 2007-02-08. (includes facts and figures, ecology, biology)
- Royal Botanic Gardens at Kew's web page about the "Wollemi Pine" Arqiviad qé: [1]
- WollemiPine.com
- Wollemia nobilis at the Gymnosperm Database
- BBC News item 10 May 2005
- BBC News - 'Dinosaur trees' heavily guarded - 02/12/06
- ABC-TV Gardening Fact Sheet
- ABC-TV Science visits Wollemi Pines in the wild 19 May 2005
- Wollemia nobilis (Wollemi Pine) Recovery Plan, January 2007
- Matthew Warren, "Biologist takes axe to the 'myth' of Wollemi" 16 April 2007
- The Wollemi Pine Transcript of interview on The Science Show (April 2007) with Tim Entwistle, director of the Royal Botanic Gardens in Sydney.
- Images and information about the Wollemi Pine in Westonbirt Arboretum
- WOLLEMI PINE AVAILABLE FOR FIRST TIME IN NORTH AMERICA from National Geographic.