Venerdì Sant
|
Quest articol chì l'è scrivud in lombard, con la Noeuva Ortografia Lombarda |
El Venerdì Sant a l'è el venerdì che gh'è prima de la Pasqua, indova che se regorda quand che el Gesù l'è stad miss in cros e l'è mort, roba che per i Scriture gh'è capitada el venerdì.
Tante confession cristiane ghe lighen di rit particolar penitenziai: in la Gesa catolega tucc quei che gh'hann pussee de 14 agn inn invitad a mangià no la carna e quei in tra i 18 e i 60 a fà un desun, o ben domà un disnà complet: in del rit roman i campane sonen no quell dì, menter in quell ambrosian sonen fina a la mort del Signor. A l'è un dì aliturgegh, o ben se fà no la consacrazzion de la Comenion: se in del rit roman la po vesser dada l'ostia consacrada prima, l'è minga dada in del rit ambrosian.
In del rit bizantin la gesa l'è mituda a lut e se invita i fedei al desun total, per quell che la soa salut ghe permet, menter storegament, in del mond luteran, a l'è stad un dì de pensà religios e vuna di ocasion pussee important per comunegàss.
Riferiment
[Modifega | modifica 'l sorgent]Alter proget
[Modifega | modifica 'l sorgent]Wikiquote el gh'ha dent citazzion de o su Venerdì Sant
Wikimedia Commons el gh'ha dent imagin o alter archivi su Venerdì Sant
