Tecnesio

El tecnésio l'è 'n elemènt chìmich enserìt endèla tàola periòdica dei elemèncc col sìmbol Tc. El g'ha nömer atòmich 43, che völ dì che 'l nùcleo de 'n àtom de tecnésio el g'ha 43 prutù. El fà part de la categurìa dei metài de tranzisiù. L'è de culùr gris arzentàt, l'è radioatìf e l'è stat el prim elemènt a éser stat pruducìt en maniéra artificiàla, e chèsto fat l'è apò a l'urìgin del sò nòm perchè "τεχνητός (technetos)" völ dì artificiàl. El tecnesio l'è giü dei ünech du elemèncc endei prim 82 a mìa ìga gne 'n izòtopo stàbil (l'óter elemènt l'è el promésio). I radio-izòtopi piö stàbii i è ⁹⁸Tc, che 'l g'ha 'n tép de smezamènt (emivita) de 4,2 miliù de agn, ⁹⁷Tc (2,6 miliù de agn) e ^99gTc (211100 agn).