Reichenau (Tamins)

Reichenau l'è 'na località sitüàda endèl cümü de Tamins, endel cantù dei Grigioni en Svìsera. L'abitàt l'è duminàt de Castèl de Reichenau e 'l se tróa a la conflüènsa 'ntra 'l Reno Anteriur e 'l Reno Posteriur, i du ram che de lé 'n zó, dòpo che i s'è zontàcc ensèma, i fùrma 'l Reno. Sö l'ótra spónda del Reno, endel teretóre del cümü de Domat/Ems, gh'è la stasiù de Reichenau-Tamins de la feruvìa rética. El paés el se tróa a 603 méter de sùra del leèl del mar.

El nòm del paés el vé de l'abasìa todèsca de Reichenau, söl Lach de Costànsa, che ché la gh'ìa dei fóncc zamò dei tép de Carlo Magn.