Q (romanz)

Quella vos chi l'è orfena, o ben la gh'ha minga di conligament che riven de alter vos.

Meten dent almen vun che 'l vaga ben e toeu via quella vis chi.

Quest articol chì l'è scrivuu in lombard, grafia milanesa.

Quella vos chi la gh'ha mìnga dì font o a hinn tròpp pocch. Per piesè, gionta di font a la vos. Per avè on'ideja di alter vos senza font, vardee chichinscì.

Q l'è on romanz storegh scrivuu del colettiv Luther Blisset (pussee tardi cognossuu 'me Wu Ming) publicaa de Einaudi in del 1999.
L'è staa voltaa anca in ingles, spagnoeu, basch, todesch, olandes, frances, danes, polacch, grech, russ, cech, corean e turch.

La storia la cunta i aventur de on eretegh todesch in tra el 1521 e 'l 1555, che 'l viv tutt i grand esperienz de la reforma protestanta: i discussion teologich a l'università de Wittenberg, la revolta di contaditt comandada de Thomas Müntzer, el regn anabattista de Münster, per poeu passà a Anversa, a Venezia e a Costantinopel. In tutta la soa vita l'è costringiuu a scappà e a lassàss indree mort e rimpiant, anca perchè tutt i sò oeuver e speranz vegnen vanificaa de ona spia misteriosa ciamada "Q", al servizzi del cardinal Giovanni Pietro Carafa (poeu Papa Paol IV). Dopo desenni de viagg in gir per l'Europa el protagonista (che, compagn del sò nemis, el vegna mai ciamaa cont el sò nomm giust, ma che 'l segutta a cambiàll a segonda de indè che 'l va) el scerniss de tirà in trappola el vegg nemis per on ultem confront. Intorna a lor, incontrom i personagg e i protagonista de quell period de renovament religios e repression.