Esàgon

'l esàgon l'è öna figüra geomètrica piàna, ü polìgon che 'l gh'à sés làti; menimà se ciàma esàgon regolàr, ün esàgon che 'l gh'à i sés làti töi lónch istès e i sés àngoi töi gràncc istès e cioè de 120 gradi.

Per troà 'l perìmeter d'ü esàgon, se 'l esàgon l'è mia regolàr, mè fà l somatòria de töcc e sés i làti, menimà se l'è regolàr bàsta fà.

${\displaystyle 2p\,=\,6\cdot l}$

Gh'è dò manére dièrse per troà l'àrea d'ü esàgon regolàr:

${\displaystyle A(l)={\frac {6la}{2}}={\frac {2Pa}{2}}}$

'ndóe l l'è 'l làto, a l'è l'apotéma e 6l e 2P i'è 'l perìmeter. Per capì chèsta fórmula, bàsta pensà che 'l esàgon 'l sìes facc de sès triàngoi regolàr e per ògnü de chès-ce triàngoi 'l làto del esàgon l'è la bàze, menimà l'altèsa l'è 'l apotéma, isé per troà l'àrea de ü de chès-ce triàngoi s'fà come per töcc i triàngoi, cioè bàze per altèsa e pò gh'è de dividì töt per dù, e alùra per troà l'àrea del esàgon l'è asé moltiplicà per sés.

Öpör s' pöl fà:

${\displaystyle A(l)=\simeq ns\ l^{2}}$

'ndóe l l'è 'l làto e ns' l'è 'l nömer stàndard che per 'l esàgon l'è piö o méno 2,59808.

Dezà che la Frànsa la gh'à ün aspèt che 'mpó a la luntàna 'l ghe sömèa a ün esàgon, i Francés i è üzàcc a ciàmà la Frànsa col nòm de L'Hexagone.