CD-i
|
Quest articol chì l'è scrivud in lombard, con la Noeuva Ortografia Lombarda |
El CD-i (o ben Compact Disc Interactive) a l'è un formad de disch otegh derivad del Compact Disc sostegnud soratut de l'azienda olandesa Philips. Estension del CD-ROM e del CD Audio, a l'è specifegad in del Liber Verd scrivud de Sony e Philips 'me formad che 'l met insema audio, video e test, soratut per el mercad de l'educazzion e de l'intrateniment de cà, ma a bon cunt el gh'ha havud sucess pussee per i videosgioeugh.
'Sti disch, con la midema forma de 'n CD, poden havégh 744 MB de spazzi, con fina a 72 menut de video digital. I letor, per la pupart independent ma gh'era anca di sistema integrad in television e PC, eren di computer ver e propi cont un sistema operativ real time fondad in su l'OS-9.
I prim sistema per fà i disch inn vegnud foeura in del 1989 e 'l prim sistema comercial in del 1990. In del 1996 el s'era vist che gh'haveven pu de sucess e inn stad descontinuad, anca se 'l formad l'è stad sostegnud per un quaj ann dopo.
Riferiment
[Modifega | modifica 'l sorgent]Alter proget
[Modifega | modifica 'l sorgent]Wikimedia Commons el gh'ha dent imagin o alter archivi su CD-i
