Basilega de Sant'Anastasia
|
Quest articol chì l'è scrivud in lombard, con la Noeuva Ortografia Lombarda |
La Basilega de Sant'Anastasia, dedicada ofizzialment al San Peder, a l'è una gesa de Verona, che l'è indova che al temp di Roman gh'era el decuman massin de la cità. A l'è la pussee granda de la cità scaligera, fada su a partì de XIII secol, e mai fornida, grazzia al sostegn economegh e material di domenegan, de la signoria e di Castelbarch.
La gh'haveva arent anca un convent: quand che del 1807 el Napoleon el toeu via l'orden domenegan la gesa l'è dada al cler secolar, menter el convent a l'è dedicad al noeuv Licee ginnasi statal Scipione Maffei.
In stil gotegh, dent se troeuva oeuvere de maester, verones e non, compagn del Franzesch Moron, del Pisanell, de l'Aldigher, del Liberal de Verona, del Danese Cattaneo, del Steven de Verona, del Nicola Giolfin, del Giovann Franzesch Carot, del Michel de Verona, del Lorenz Venezzian e del Felis Brusasorzi.
A l'è vuna di quater gese storeghe de Verona, insema a la basilega de San Zen, al dom de Verona e a la gesa de San Fermo Magior.
Riferiment
[Modifega | modifica 'l sorgent]Alter proget
[Modifega | modifica 'l sorgent]Wikimedia Commons el gh'ha dent imagin o alter archivi su Basilega de Sant'Anastasia
