Poitiers
Poitiers (Potchiers in pitaì; Limonum in latì; Piteus in aragonés; Peitieus in ocità) l’è öna sità de la Fransa che la se tróa söl fiöm Clain ‘n del dimpartimét de la Vienne e l’è la capitàl de la regiù del Poitou-Charentes. L’è ciamada la sità di sènto campanii.
La sità l’è tat cognusida, dezà che ‘n del 732, ol 10 de Otùer, gh’è stacia öna bataia pròpe 'mpurtanta tra i Franch e i Arabi. Dòpo che i Arabi guidàcc dal generàl Abd ar-Rahman i à tacàt a mèt a fèr e föch l’Aquitania, ol düca Odù de Aquitania 'l s'è facc ötà dal Carlo Martèl, che l'éra ol nóno del Carlo Magno. Isé i du ezerciti i s'è scontràcc a Poitiers, ol Carlo Martèl l’à ensìt, i arabi i s’è ritiràcc e ‘l Abd ar-Rahman l’è restàt sèch in de la bataia.
La bataia de Poitiers l'ha segnàt la fì de l’espansiù àraba ‘n Eüròpa.
A Poitiers la s'è cumbatida ach öna bataia de la Guèra dei Sènt Agn.