Agilulf

Quell articol qì l'è scrivud in Lombard, cond l'ortografia Scriver Lombard.

Qell articol qì l'è domà un sboz. Se voltr sii bon de meter-g denter un quaicoss de plu, preocupeves miga e proveg. Insì de haver-g un'idea de tuts i oltr sboz, vardee qì insì.

L'Agilulf l'è stait re dei Lombards del 591 a'l 616 (o 615).

De orijen turinja, l'era duca de Turin e cognad del re Autari. A la mort de luu, al n'ha maridad la vedova Teodolinda e l'è insé deventad ol nœv re.

L'ha portad inants la politega de consolidament del regn del so predessor, contra i nemix estern (l'ha fait la pax con l'Imper, i Franc e i Avar) e intern.

Anc se de relijon ariana, l'ha batezad come catoleg ol so s'ciet Adaload, de probabel conseiad de la moier, insé de ingraziar-s la popolazion romanega e 'l Papa; l'ha però sostegnid ol cler qe al faxiva part del scisma dei Tri Capitoi.

Ind el 604 l'ha associad a'l tronn ol so s'ciet (qe al g'hiva noma duu agn), cond una cerimonia de ispirazion imperiala a Milan.

L'è mort intra ol november del 615 e 'l maj del 616, prim re lombard a mœrer de mort natural de l'invasion de l'Italia.

• (LA) Paol Diacon, Historia Langobardorum
• (IT) Agilulfo re dei Longobardi, Dizionario Biografico Treccani

• Wikimedia Commons el gh'ha dent imagin o alter archivi su Agilulf