Luis Piazza

Articul per Ladin Gherdëina

Luis Piazza (* 29 de jené dl 1908 a Urtijëi; † 15 de nuvëmber dl 1977 a Urtijëi) ie stat n scultëur de Gherdëina.

Biografia

Luis Piazza ie nasciù sul luech de Cudan, drët daujin al bosch de Resciesa, ulache l jiva suënz sun pastura cul bestiam dl luech. A ziplé al scumencià cun si pere Giuani y tla scola d'ert de Urtijëi sot ai prufesëures Ludwig Moroder de Lenert, Guido Balsamo Stella y Adolf Keim. Te chëla scola a ël pona nsenià dal 1943 al 1975.

Luis Piazza ie stat adum cun Robert Moroder, Alex Moroder, Albino Pitscheider, Hermann Moroder, Gilo Prugger y Heinrich Moroder sen. fundadëur dl Museum Gherdëina a Urtijëi tl 1958.

Ël à metù ora truep cun la Lia Mostra d'Ert y Ruscél a Urtijëi y ie stat cunmëmber dl Südtiroler Künstlerbund.

Luis Piazza fova maridà cunla scritëura y scultëura Frida Piazza.

Opres

Truepes ie i lëures che ël a fat nce tl sas Bellerophon che l jiva a se to tl ruf de Sant'Ana. Luis Piazza à ncé depënt truep a acuarel, fajan paesajes ma nce pitures astrates^[1]. Per l Calënder de Gherdëina dl 1971 y 1972 al fat ilustrazions de vedla cëses de Gherdëina pra i 12 mënsc dl calënder^[2].

Madonna tl sas Bellerophon de Luis Piazza sun mur de na cësa a Urtijëi

Madona de Absam sun mur de cësa a Urtijëi

Mostres

1940 VII Triennale de Milan.
1942 IX Sindacale d'arte de Bulsan.
1978 Mostra de lecurdanza a Urtijëi.
1989 mostra cun Peter Demetz-Fëur tl Museum Gherdëina.

Notes

↑ N valguna pitures astrates y acuarei de Luis Piazza.
↑ Luis Piazza: Ilustrazions de vedla cëses de Gherdëina pra i 12 mënsc dl calënder. Calënder de Gherdëina 1971, pl. 5-16, 1972, pl. 4-15 y 1973, pl. 4-15.

Cëla nce

Bibliografia

Frida Piazza, Carlo Galasso, Mathias Frei, Liliana Marchetto, Rudolf Moroder-Rudolfine: Luis Piazza Cudan-Pinoi. Urtijëi 1978.
Gert Amman: Graphik 1900-1950 Grafica Südtirol Alto Adige Tirol Trentino. 1980/1981. Catalog de na mostra a Bulsan, Trënt y Dispruch.
Toni Senoner: Na mostra de lecurdanza de doi artistc de Gherdëina Luis Piazza Peter Demetz. Calënder de Gherdëina 1989. pl. 44-47.
Elfriede Perathoner Bergmeister: Grödner Krippenschnitzkunst. Folio Verlag Wien/Bozen 2004, ISBN 3 85256 279 1. Pl. 108-109.

[1] N valguna pitures astrates y acuarei de Luis Piazza.

[2] Luis Piazza: Ilustrazions de vedla cëses de Gherdëina pra i 12 mënsc dl calënder. Calënder de Gherdëina 1971, pl. 5-16, 1972, pl. 4-15 y 1973, pl. 4-15.

[1]

[2]