Ciastel Stetteneck
| Articul per Ladin Gherdëina | 
|
L Ciastel Stetteneck, dit ënghe Ciastel dl Balest o Ciastel da Pincan ie n ciastel dl medieve bonamënter uni fa su tl trëdejesem secul, mo dan l 1256, sul Col da Pincan sëura Urtijëi y sota l Crëp dl Balest.
Storia
[mudé | muda l codesc]Te Gherdëina rujenovun de chësc ciastel for sciche l ciastel dl Balest ajache n minova che l fos stat sun chël crëp y Karl Felix Wolff à scrit dl ciastel tla Liejëndes dla Dolomites de coche l ie stat fat y tumà ju ti bujes de Pincan.
Tl an 2000 ie sta giavá ora l sedim dl ciastel sul Col da Pincan doche doi studiëi de Gherdëina Stefan Planker y Herwig Prinoth ova nrescí n vedl documënt de Marx Sittich von Wolkenstein dl dejesetejem secul[1].
Na liejënda cuntova nce che na ciampana dla dlieja da Sacun, a chëla che l ti vën dit l cusé da Sacun, fos stata giaveda ora dai Bujes dl Pincan da n manz. Chësta ciampana ie sën tla capela di tumëi daujin ala dlieja de Urtijëi[2].
Ne savon mo nia ciuldi che l ciastel de Stetteneck y che fova di seniëures de Jevun ie stat desdrù y n à nia permetù de l fé su da nuef.
Notes
[mudé | muda l codesc]- ↑ Stefan Planker y Herwig Prinoth: TI 2000 iel unì a lum l ciastel dl Balest. Calënder de Gherdëina 2002, pl. 134
- ↑ Tobia Moroder: L cusé da Sacun. Calënder de Gherdëina 2010, pl. 42.
Bibliografia
[mudé | muda l codesc]- Elsa Runggaldier da Passua: Gardis y l ciastel dl Balést (liejënda). Calënder de Gherdëina 1981, pl. 74.
- Roland Verra: L Ciastel da Pincan tl cheder dia storia de Gherdëina. Calënder de Gherdëina 2003, pl. 48-50.
- Toni Sotriffer: L “Stettenecker” y si Ciastel aldò de documenc storics. Calënder de Gherdëina 2005, pl. 68-77.
- Sofia Stuflesser: La lijënda de Gardis y l ciastel de Stetteneck (ntervista a Herwig Prinoth). Calënder de Gherdëina 2021, pl. 178.