Minca

Articul per Ladin Gherdëina

Minca
Blason	Bandiera
Nfurmazions prinzipeles
Stat	Germania Germania
Stat federel	Paiern Paiern
Landkreis	kreisfreie Stadt
Fundazion	1158 do Gejù Crist
Populazion	1 512 491 ab. (31 dezëmber 2022)[1][2][3][4][5][6][7][8][9]
Densità	4 867,9 ab./km²
Geografia
Coordinedes	48°8'15"N, 11°34'30"E
Autëza	519 m
Spersa	310,7 km²[5][6]
Auter
Targa de l'auto	M, MUC
Codesc de la posta	80331–81929, 85540
Gemeindeschlüssel	09162000
Plata internet	stadt.muenchen.de/rathaus.html
Cherta
Minca Minca (Germania)

Minca (tudësch: München, bavaresc: Minga) ie la capitela y majera zità dl Paiern. Cun na populazion de 1 512 491 ai 31 dezëmber 2022 iela la terza majera zità de la Germania, do Berlin y Hamburg, y la majera che ne ie nia n stat per se (Stadtstaat). Minca ie na kreisfreie Stadt y al medem tëmp la sënta aministratva dl Landkreis de Minca, che se destira ora ntëur ala zità. L raion metropolitan à na populazion de zirca 6 milions de persones.

Minca ie sul ruf Isar a nord de la Elpes y ie ënghe la sënta de la region dl Paiern Aut (Oberbayern). L ie l chemun cun la densità de populazion plu auta de la Germania cun 4.500 persones per km². Minca ie la segonda majera zità do Viena tl raion ulache vën rujenà l bavaresc.

La zità ie per l prim iede stata numineda tl 1158. La Minca catolica à abù na sterscia resistënza contra la refurmazion te la viera di 30 ani. Tl 1806 ie l Paiern deventà n rëni y Minca à scumencià a atiré n grum de ert, cultura y scienza. Do la segonda viera mundiela ie n grum de jënt unida a sté a Minca y l crëscer de la populazion ie jit adum cun n crëscer scialdi sterch de l'economia (Wirtschaftswunder).

A Minca ie stac i juesc olimpics da d'instà dl 1972 y te la zità ie ënghe stai juesc de la copa dl mond dl juech al palé dl 1974 y dl 2006.

Aldidancuei ie Minca n zënter global de ert, scienza, tecnologia, finanza, publicazion, cultura, innovazion, educazion, cumerz y turism. La zità à n standard de vita scialdi aut, aldo de la 2018 Mercer survey l plu aut te la Germania y l terzo plu aut al mond. L'economia de Minca se basa sun l high tech, l'industria di auti, de i servisc, la industries creatives y n grum de autri ciampsc. A Minca à si sënta n grum de firmes nternaziuneles sciche la BMW, Siemens, MAN, Linde, Allianz y la Münchener Rückversicherung. A Minca dal ënghe n grum de universiteies y istituzoins scientifiches, museums de gran cualità sciche l Deutsches Museum y l BMW Museum. Minca à n grum de atrazions cultureles sciche l Oktoberfest che vën tenì uni ann.

Tl 1852 fova la populazion de Minca per l prim iede rueda sëura i 100.000, cie che fajova de Minca per l prim iede na gran zità (Großstadt). Nfin al 1901 fova la populazion cresciuda nfin a 500.000 abitanc y cun chël fova Minca deventeda la terza majera zità dl Mper Tudësch do Berlin y Hamburg. Tl 1933 ova Minca arjont 840.000 abitanc, tl 1957 na milion. De mei dl 2015 ova Minca per l prim iede arjont 1,5 milions de abitanc. Cun na densità de 4.700 abitanc per km² tl 2020 à Minca la densità plu auta de uni chemun tudësch.

• 
  Minca da l'auta
• 
  L ciastel Nymphenburg
• 
  L Englischer Garten
• 
  La BMW Welt
• 
  La Allianz Arena
• 
  La Mariensäule sul Marienplatz

• Lista de la majera ziteies te la Germania

1. ↑ https://www.statistikdaten.bayern.de/genesis/online/data?operation=abruftabelleAbrufen&selectionname=12111-101r&levelindex=1&levelid=1373007182974&index=1.
2. ↑ https://www.statistikdaten.bayern.de/genesis/online/data?operation=abruftabelleAbrufen&selectionname=12411-001.
3. ↑ https://www.statistikdaten.bayern.de/genesis/online?sequenz=tabelleErgebnis&selectionname=12411-001.
4. ↑ http://www.muenchen.de/aktuell/2015-06/muenchen-einwohnerzahl-1-5-millionen.html.
5. ↑ ^{5,0 5,1} https://www.destatis.de/DE/ZahlenFakten/LaenderRegionen/Regionales/Gemeindeverzeichnis/Administrativ/Aktuell/05Staedte.html.
6. ↑ ^{6,0 6,1} "Alle politisch selbständigen Gemeinden mit ausgewählten Merkmalen am 31.12.2018 (4. Quartal)". Archivià da l uriginel ai 10 merz 2019. Trat ite ai 10 merz 2019.
7. ↑ https://www.statistikportal.de/de/produkte/gemeindeverzeichnis.
8. ↑ https://www.destatis.de/DE/Themen/Laender-Regionen/Regionales/Gemeindeverzeichnis/Administrativ/04-kreise.html.
9. ↑ https://www.statistikportal.de/de/produkte/gemeindeverzeichnis.