Arabia di Saudi

Articul per Ladin Gherdëina

L'Arabia di Saudi o Arabia Saudita (arab: ٱلسُّعُوْدِيَّة as-Suʿūdiyya), ufizielmënter l Rëni de l'Arabia di Saudi (arab: ٱلْمَمْلَكَة ٱلْعَرَبِيَّة ٱلسُّعُوْدِيَّة al-Mamlaka al-ʿArabiyya as-Suʿūdiyya, pronunzià (aiut·info)) ie n stat te l'Asia uzidentela. L cuer la majera pert de la penijula araba y à na spersa de ntëur a 2 150 000 km², cie che ne'n fej l cuinto majer stat de l'Asia y l majer tl mez urient. La cunfina cul mer cuecen a vest; la Iordania, l Irach y l Cueit a nord; l golf de la Persia, l Catar y i Emirac Arabs Unii a est; l Oman a sud-est y l Iemen a sud. Leprò rua mo l Bahrain, che ie n stat de ijules a est. L golf de Aqaba a nord-vest spartësc l'Arabia di Saudi dal Egit y dal Israel. L'Arabia di Saudi ie l sëul stat a avëi na costa sibe sul mer cuecen che sul golf de Persia y la majera pert de si spersa ie desert sut, steppa o crëps. La capitela de l'Arabia di Saudi ie Riyadh y tl stat ie ënghe doi de la ziteies plu santes dl Islam: Mecca y Medina.

Rëni de l'Arabia di Saudi
ٱلْمَمْلَكَة ٱلْعَرَبِيَّة ٱلسُّعُوْدِيَّة (arab) Al-Mamlaka al-ʿArabiyya as-Suʿūdiyya
Bandiera de Rëni de l'Arabia di Saudi	Blason de Rëni de l'Arabia di Saudi
Bandiera	Blason
Motto لَا إِلٰهَ إِلَّا ٱلله، مُحَمَّدٌ رَسُوْلُ ٱلله "Lā ʾilāha ʾillā Llāh, Muḥammadur rasūlu Llāh" "L ne da degun die ora de Die; Muhammed ie l anunziadëur de Die."
Inn ٱلنَّشِيْد ٱلْوَطَنِي ٱلسُّعُوْدِي an-Nashīd al-Waṭanī as-Suʿūdī'


Inuem ufiziel	ٱلْمَمْلَكَة ٱلْعَرَبِيَّة ٱلسُّعُوْدِيَّة (arab) Al-Mamlaka al-ʿArabiyya as-Suʿūdiyya

Rujeneda ufiziela	Arab

Capitela	Riyadh
Geografia
Spersa	2 250 000 km²^[1]
Ega	0,7 %
Demografia
Populazion	33 000 000 ab. (2018)^[2]^[3]^[4]
Densità	14,7 ab./km²
Cumpëida dla fertilità	2,765 (2014)^[5]
Guviern
Forma de guviern	Monarchia assoluta islamica unitera
Monarch	Salman de l'Arabia di Saudi
Prinz y prim minister	Mohammed bin Salman
Economia
PIB (numinel) • de ndut • a persona	(2021) $869 miliarc^[6] $26 321
PIB (VPC) • de ndut • a persona	(2023) $2 246 miliarc $68 061
Munëida	Riyal saudi (SR) (SAR)
CVN	5% ^[1]
Auter
Prefis dl telefon	+966
Furnea a	man drëta
Codesc ISO 3166	SA

Indesc dl Svilup Uman	0,875^[7] (scialdi aut)