Waermoer

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

'n Waermoer is 'n vergaoringsbegrip veur divers saorte moere, die bie verdaejigingswirke wie vestingen of kestieële zeen aangebrach gewaore.

't Matterjaal womit waermoere woorte geboedj besteit meistes oet regionaal veurkómmendje stein. Zoea wuuertj beveurbeildj inne Duutsje Mittelrhein meistes basaltj gebroek, dewiel zandjstein väöl veurkump in 't Ruhrgebied. In gebiede sónger netuurstein wie in Naord-Nederlandj broekdje me veurnamelik brik.

De versjillige moere óngersjeie zich ouch inne vorm van gebroekdje stein: veldjstein en puun zeen väöl veurhenj en zeen gojekoupe boewmatterjale. 't Gebroek van oetgehouwe rechheukige stein of blök kós allein waere veroearlaof dore rieker boewhieëre.

Veurbiljer van moeren inne vestingsboew zeen de mantjelmoer, 'n ringmoer van 'n biezunjer huuegdje, de stadsmoer, de ringmoer enne sjildjmoer, de hoogste en diekste waermoer van e kestieël of 'n börch.