President

Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.

President is e waord det oet 't Letien kump en "veurzitter" beteikent. 't Weurt in de meiste wèsterse tale gebroek óm 'ne leider aan te gaeve van 'n vergaoring, bedrief, verein of rechbank, meh veural van e landj. In det litste geval is de president meistal zowaal de regeringsleider es 't sjtaotshouf. Zón landj haet meistal de sjtaotsvorm van e rippebliek. Det kan 'n dimmekrasie zeen. De vervanger is dèks de vicepresident.

In 'n aantal lenjer berös bie de president neet de meiste mach. Veurbiljer zeen Israël en Duutsjlandj, wo de presidente door 't parlement waere verkaoze en es sjtaotshouf veural 'n ceremonieel rol vervölle.

Lenjer wovan de hoogste functionarisse neet waere gekaoze, mer häör positie aan häör gebaorte danke waere meistal monarchieje geneump.