Penseelkaever

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.

D'r penseelkever (Trichius fasciatus) is 'n insek oet de familie bladsprietkaevere (Scarabaeidae).

D'r Trichius fasciatus is 't bekènste saoërt. In Nederland en óp 't Belsj keumt evvel d'r Trichius zonatus 't mètste väör. 'n Ander saoërt is d'r T. abdominalis.

Penseelkaevere zeunt 12 à 15 mm laank en haant e hieël sjterk behaord lief. 't Sjeeld is neet behaord en beige van kleur mèt zès lenglige zjwarte sjtippe bie d'r zonatus. Bie d'r fasciatus lope de baoveste twieë sjtippe deur en vörme 'n zjwarte baand onder d'r kóp. D'r behaoring van d'r kaever zörgt väör överdrach van sjtuufmael. E sjpelt dus 'n ról in de besjtuving va blome.

D'r penseelkaever èt de zachter dele van plante, lèfst dele van witte blomme, en de väörkeur geet oet nao sjermblommige, mae ooch aander plaante werre gaeëte, zoewie els, meidoorn, margriete en liguster. De larve laeft in en van róttend hoot. D'r vólwasse kaever is van juni bies augustus te zieë.