Landjsjap

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

E landjsjap is e gebied det 'ne culturelen of ecologische samenhank haet en 'n eige gehieël vörmp det zich óngersjèdj vanne ómligkendje gebiede. E landjsjap kan mit naam cultureel apaart zeen, wie 't Baskelandj in Spanje, of juus op netuurlik gebied apaart zeen, wie 't Sahara-landjsjap of de Himalaya. Inne meiste vel zal aevel 'n kómbinaasje van bei 't landjsjap vörme. Den is 't e rizzeltaot vanne kónstante wusselwirking tösse miensjelike activiteiten en ecologische percèsse. Miense maken 't landjsjap zoea det 't aan häör laevesbeheufdje, die waere bepaoldj door laefwies en technologie, vóldeit. Dit is ouch aafhenkelik vanne eigesjap van 't betróffe gebied. Daodoor guuef 't väöl versjillige saorten aan landjsjappe die edert häör eigen identiteit drage. Hiedoor haet e landjsjap ouch beteikenis es e gemeinsjappelik, cultureel irfgood. Landjsjappe óntwikkele zich en verangere mitte cultuur mit.

Landjsjappe guuef 't in versjillige gruuedjes. Sómmige gebiede zeen euver lang aafstenj betrèkkelik monotoom en kónne waere gezeen es ei landjsjap, wie Antarctica, de Siberischen toendra of de oetgestrèkdje weusdjes (Sahara, steppelandjsjap in Mongolië en zo wiejer).

Saere kóms vanne ruumdjevaart sprèk me ouch euver landjsjappe boete de aerd óm, wie 't maonlandjsjap of 't Marslandjsjap.

Landjsjappe spelen ouch döks 'n wichtige rol inne sjiljerkóns.