Lof

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

't Lof ies 'n godsdeenstige plechtigheid, die gehouwe weurt in de naomiedig. De geconsacreerde hostie of 't Allerheiligste, in de monstrans of ciborie, weurt oetgesjtèld. De aanwezige baeje de roazekrans en zinge hymnes van o.a. Thomas van Aquino (Adoro te en Tantum Ergo). Ouch bekènd ies 't Ave verum corpus van o.a. Wolfgang Amadeus Mozart. De viering weurt be-eindig mèt de zege.

't Lof dateert oet de 13e ièw en ies veural in de 15e en 16e ièw wied verbreid. Saer de Contrareformatie haet 't lof de plaats ingenómme van de vespers. Nao 1960 weurt 'r in Nederland gein lof miè gehouwe.