Hin

Dit artikel is gesjreve (of begós) in 't Sint-Joasters. Laes hie wie v'r mit de versjillende saorte Limburgs ómgaon.

'n Hin is 'n vrouwelike hoon; 't menke hètj 'nen haan en 't jónk e kuke. Zowaal waat betröf 't uterlik es 't gedraag versjille zich hinne waezelik van hane. In 't normaal spraokgebroek wuèrtj 't waord "hin" ouch waal gebroek veur hoonder in 't algemein.

Kwa uterlik zeen hinne minder opvallendj es hane. Ze misse de siervaere, de späör enne kamb. Hinne höbbe kleinder oearlelle en kinlelle. Ouch zeen ze kleinder en lichter es hane.

De hinne lègke de eier; ze hoven aevel neet bevröch te zeen óm te lègke.